امریکا نے افغانستان کو ناجائز حراست کی سرپرستی کرنیوالی ریاست قرار دیدیا

امریکا نے افغانستان کو ناجائز حراست کی سرپرستی کرنے والی ریاست قرار دے دیا۔

تفصیلات کے مطابق امریکی وزیر خارجہ مارکو روبیو نے اعلان کیا ہے کہ امریکہ نے افغانستان کو باضابطہ طور پراسٹیٹ اسپانسر آف رانگ فل ڈیٹینشن قرار دے دیا ہے۔

امریکی وزیر خارجہ مارکو روبیو نے کہا کہ افغانستان کو ناجائز حراست کی ریاستی سرپرستی کی فہرست میں رکھا گیا ہے۔

انہوں نے کہا کہ طالبان پالیسی میں رعایت کے لیے دہشتگردانہ حربے جاری رکھے ہوئے ہیں، موجودہ امریکی انتظامیہ کے دور میں یہ طریقہ کارآمد نہیں ہوگا۔

Today, I am designating Afghanistan as a State Sponsor of Wrongful Detention. The Taliban continue to use terrorist tactics to seek policy concessions, but it won’t work under this administration. The Taliban must release Dennis Coyle, Mahmood Habibi, and all Americans unjustly…

— Secretary Marco Rubio (@SecRubio) March 9, 2026

مارکو روبیو کا کہنا تھا کہ طالبان افغانستان میں قید ڈینس کوئل، محمود حبیبی اور دیگر امریکیوں کو رہا کریں۔

امریکی وزیر خارجہ نے کہا کہ طالبان اس طرح کے ہتھکنڈوں کے ذریعے عالمی دباؤ بڑھانے کی کوشش کر رہے ہیں لیکن وہ اس مقصد میں کامیاب نہیں ہوں گے۔

 2021 میں افغانستان پر کنٹرول سنبھالنے کے بعد سے افغان عبوری حکام نے منظم طریقے سے بنیادی حقوق کو محدود کیا ہے۔

اس دوران لڑکیوں کو ثانوی تعلیم حاصل کرنے سے روک دیا گیا، خواتین کی افرادی قوت میں شرکت کو محدود کیا گیا، اور اظہار رائے کی آزادی پر بھی سخت پابندیاں عائد کی گئی ہیں، اس پیش رفت سے عالمی اداروں اور انسانی حقوق کے گروپوں کی جانب سے شدید ردعمل آیا ہے۔