سربراہ جامعہ الرشید مفتی عبدلرحیم نے تہلکہ خیز انکشاف کیا ہے کہ طالبان کے بانی امیر ملا عمر کی وفات کے بعد ملا منصور کو سربراہ بنوایا گیا اور ملا عمر کے بیٹے ملا یعقوب جو طالبان کے امیر بننا چاہتے تھے ان کو 5 لاکھ ڈالر دے کر دستبردار کروایا گیا ۔
واضح رہے کہ ملا یعقوب آج کل افغانستان کے نام نہاد وزیر دفاع ہیں۔
ایک نجی ٹی وی پروگرام میں گفتگو کرتے مفتی عبدالرحیم نے کہا کہ ملا عمر کی وفات کے بعد ملا یعقوب نے اصرار کیا کہ انہیں امیر بنایا جائے۔
انہوں نے قیادت کے بحران کو حل کرنے کی پس پردہ کہانی کی تفصیل بتاتے کہا کہ ملا یعقوب تو بہت چھوٹا تھا تو اس کو تو کچھ پتہ ہی نہیں ہے تھا جب ملا عمر صاحب کے انتقال کی خبر ائی تو ان انہوں نے بڑا اصرار کیا کہ مجھے امیر مقرر کیا جائے ملا منصور صاحب کے بجائے۔ تو ظاہر ہے کہ تمام ممالک سے تعلقات ہیں اور اس زمانے میں اس باقاعدہ مشاورت ہوئی تھی بڑی سطح پر تو یہ طے ہوا تھا کہ ملا عمر تو بچہ ہے اس نے افغانستان دیکھا تک نہیں ہے تو اس کو کیسے اس کو امیر مقرر کر دیا جائے۔
مفتی عبدالرحیم نے کہا کہ ملا منصور صاحب کو جب امیر مقرر کیا گیا تو مولوی یعقوب صاحب اس بات پہ بہت زیادہ ناراض ہو گئے کہ میرا حق بنتا تھا، میں جانشین تھا تو پھر ان کو مطمئن کرنے کے لیے پھر ان کو پانچ لاکھ ڈالر بھی دیے گئے تاکہ ڈیل سے تھوڑے مطمئن ہو جائیں۔
By 
