اٹلس ہونڈا کے ساتھ بینک الفلاح نے شراکت داری کرتے ہوئے صارفین کو موٹر سائیکل خریدنے کے لیے ایک نئی اور آسان سہولت فراہم کر دی ہے۔
اس اقدام کے تحت صارفین اب مقبول موٹر سائیکل ہونڈا سی بی 125 کو آسان ماہانہ اقساط پر حاصل کر سکتے ہیں، جس سے بائیک خریدنا پہلے کے مقابلے میں زیادہ سہل اور قابلِ رسائی ہو گیا ہے۔
اس پیشکش کے تحت صارفین کو ایک خصوصی سہولت فراہم کی گئی ہے جس میں وہ ہونڈا سی بی 125 کو صفر فیصد مارک اپ کے ساتھ چھ ماہ تک ماہانہ اقساط میں خرید سکتے ہیں۔
اس کے علاوہ بینک الفلاح نے ادائیگی کے مزید تین مختلف طریقے بھی متعارف کروائے ہیں، جن کے ذریعے صارفین 36 ماہ تک کی مدت میں قسطوں کے ذریعے ادائیگی کر سکتے ہیں، ان منصوبوں کے لیے صرف معمولی پراسیسنگ فیس عائد کی جائے گی۔
یہ پیشکش اس ماڈل کے ریڈ اور بلیک رنگ کے ماڈلز پر دستیاب ہے، اس موٹر سائیکل کی قیمت 396,900 روپے مقرر کی گئی ہے، صارفین اپنی مالی استطاعت اور سہولت کے مطابق ماہانہ قسطوں کا انتخاب کر سکتے ہیں، جس سے اس مقبول بائیک کی خریداری مالی لحاظ سے کم بوجھ بن جاتی ہے۔
بینک الفلاح کی جانب سے صارفین کو مشورہ دیا گیا ہے کہ وہ اس پیشکش سے فائدہ اٹھانے کے لیے جلد اپنی موٹر سائیکل بک کروائیں کیونکہ محدود اسٹاک کی وجہ سے دستیابی محدود ہو سکتی ہے۔
بائیک کی بکنگ کے لیے صارفین بینک الفلاح کی فون بینکنگ سروس 021-111-225-111 پر رابطہ کر سکتے ہیں یا بینک کی ویب سائٹ کے ذریعے بھی ریزرویشن کروا سکتے ہیں۔
By 
