پاکستان میں جدید انفراسٹرکچر کی تعمیر اور شمال-جنوب رابطہ کاری کو مضبوط بنانے کے لیے ایم-12 (M-12) موٹروے منصوبے پر کام کا آغاز ایک اہم سنگِ میل ثابت ہونے جا رہا ہے۔
تفصیلات کے مطابق منصوبہ اسپیشل انویسٹمنٹ فیسی لیٹیشن کونسل کی سہولت کاری کے تحت ملک بھر میں جاری تعمیراتی اصلاحات کا حصہ ہے۔
براہِ راست لنک: ایم-12 موٹروے، لاہور سیالکوٹ موٹروے (M-11) کے اختتامی مقام سمبڑیال کو کھاریاں سے موثر اور براہِ راست منسلک کرے گی۔ جدید ڈیزائن: یہ شاہراہ چھ لین (6-Lane) پر مشتمل ہوگی، جس کا مقصد ٹریفک کے دباؤ کو کم کرنا اور سفر کو تیز، محفوظ اور سہل بنانا ہے۔
قومی نیٹ ورک کا حصہ: ایم-12 موٹروے شمال-جنوب موٹروے نیٹ ورک کا ایک اہم ستون بنے گی، جس سے قومی سطح پر رابطہ کاری کو نئی وسعت ملے گی۔
ماہرین کا کہنا ہے کہ یہ موٹروے محض ایک سڑک نہیں بلکہ ایک اقتصادی کوریڈور ثابت ہوگی۔ اس سے سیالکوٹ اور گجرات کے صنعتی اضلاع کے درمیان فاصلے کم ہوں گے، جس کے نتیجے میں علاقائی تجارت میں اضافہ ہوگا۔
ایس آئی ایف سی کی فعال سہولت کاری سے ملک بھر میں انفراسٹرکچر کے ایسے منصوبوں کو ترجیحی بنیادوں پر مکمل کیا جا رہا ہے جو براہِ راست غیر ملکی سرمایہ کاری اور ملکی معیشت کے استحکام میں معاون ثابت ہو سکیں۔ ایم-12 کی تعمیر اس وژن کی عکاس ہے کہ پاکستان کو ایک جدید ٹرانسپورٹ ہب بنایا جائے۔
By 
