انڈین سب میرین کا ایرانی جہاز پر حملہ ،100 سے زائد افراد جاں بحق

سری لنکا کے ساحل کے قریب ایک ایرانی جنگی بحری جہاز پر انڈین سب میرین کی طرف سے حملہ کیا گیا ہے جس کے نتیجے 100 سے زائد افراد جاں بحق ہوگئے ہیں ۔

متاثر ہونےوالے جہاز کی شناخت ایرانی بحری جہاز  آئی آر آئی ایس ڈینا  کے نام سے ہوئی ہے۔ واقعہ بحر ہند میں سری لنکا کے ساحل کے قریب پیش آیا۔

ابتدائی اطلاعات کے مطابق جہاز پر انڈین آبدوز کے ذریعے حملہ کیا گیا ہے اور اس واقعے میں کم از کم 101 افراد جا ں بحق ہو گئے ہیں

 یہ بھی پڑھیں :ایران کے تقریباً 2 ہزار اہداف کو نشانہ بنایا ہے، امریکی سینٹرل کمانڈ کا دعویٰ

حادثے کے دوران زخمی ہونے والے 32 افراد کو سری لنکن بحریہ نے ریسکیو کر کے جنوبی بندرگاہ گالے کے ایک سرکاری ہسپتال منتقل کیا جہاں ان کا علاج جاری ہے۔

ایرانی جہاز کی جانب سے ہنگامی مدد کی کال موصول ہوئی تھی جس کے بعد سری لنکن فضائیہ کو بھی اطلاع دی گئی اور دونوں اداروں نے مشترکہ طور پر سرچ اینڈ ریسکیو آپریشن شروع کیا۔