پاک فوج کا افغان رجیم کی جارحیت کا منہ توڑ جواب، جلال آباد میں ایمونیشن ڈپواور ڈرون سٹوریج سائٹ تباہ

پاکستان کا افغان طالبان رجیم کی بلااشتعال جارحیت کیخلاف آپریشن غضب للحق جاری ہے اور دشمن کو منہ توڑ جواب دیا جارہاہے ۔

سیکیورٹی ذرائع کے مطابق پاک افواج فتنہ الخوارج اور افغان طالبان فوج کے ٹھکانوں اور فوجی تنصیبات کو موثر انداز میں نشانہ بنا رہی ہیں ، پاک افواج کی مؤثر جوابی کارروائی کے دوران فتنہ الخوارج اور افغان طالبان کے جلال آباد میں ایمونیشن ڈپو اور ڈرون اسٹوریج سائٹ کو تباہ کر دیا گیا۔

فتنہ الخوارج اور افغان طالبان رجیم کو پاک افغان سرحد پربلا اشتعال جارحیت کے بعد ہر محاذ پر بھرپور پسپائی کا سامنا ہے۔

🚨🚨افواج پاکستان کی افغان طالبان کی جانب سے بلااشتعال جارحیت کیخلاف موثر اور فیصلہ کن کارروائیاں جاری، فتنہ الخوارج اور افغان طالبان کے جلال آباد میں ایمونیشن ڈپو اور ڈرون سٹوریج سائٹ کو تباہ کر دیا گیا pic.twitter.com/L34lo6H1NT

— Azaad Urdu (@azaad_urdu) March 2, 2026

دریں اثنا  پاک افواج نے مؤثر کارروائی کرتے ہوئے فتنہ الخوارج اور افغان طالبان کا خوست میں ایمونیشن ڈپو بھی تباہ کر دیا۔

یہ بھی پڑھیں : افغان طالبان جارحیت کیخلاف پاک فوج کی بھرپور کارروائی، خوست میں ایمونیشن ڈپو تباہ

سیکیورٹی ذرائع کے مطابق پاکستانی سکیورٹی فورسز کے بھرپور اور طاقتور جواب کے نتیجے میں افغان طالبان فورسز کو بھاری نقصان کا سامنا ہے ، سکیورٹی ذرائع نے واضح کیا کہ پاکستان اپنی خودمختاری اور قومی سلامتی پر کوئی سمجھوتہ نہیں کرے گا اور بلااشتعال جارحیت کے خلاف کارروائیاں جاری رہیں گی۔