یومِ پاکستان پر برج خلیفہ سبز و سفید روشنیوں سے جگمگا اٹھا، قومی پرچم کی دلکش لائٹنگ

یومِ پاکستان کی مناسبت سے دنیا کی بلند ترین عمارت برج خلیفہ پر پاکستان کا قومی پرچم روشن کیا گیا، جس نے دیکھنے والوں کو مسحور کر دیا۔

تفصیلات کے مطابق برج خلیفہ پر پاکستانی پرچم کی خوبصورت لائٹنگ شام 7 بج کر 20 منٹ پر کی گئی۔ اس موقع پر عمارت سبز اور سفید رنگوں میں جگمگا اٹھی اور قومی پرچم کو نمایاں انداز میں پیش کیا گیا، جو پاکستان سے محبت اور یکجہتی کی علامت بن گیا۔

On the occasion of Pakistan Day 2026, Pakistan’s national flag was illuminated on the iconic Burj Khalifa at 7:20 PM ! pic.twitter.com/47tAMgEXDy

— Pakistan Embassy UAE (@PakinUAE_) March 23, 2026

یہ خصوصی لائٹ شو 86ویں یومِ پاکستان کے موقع پر منعقد کیا گیا، جسے بڑی تعداد میں لوگوں نے سراہا۔

یاد رہے کہ پاکستان میں پہلی مرتبہ یومِ پاکستان 23 مارچ 1959 کو منایا گیا تھا، جبکہ قیامِ پاکستان کے سات سال بعد 23 مارچ 1956 کو صدر اسکندر مرزا اور وزیراعظم چوہدری محمد علی کی قیادت میں ملک کا پہلا متفقہ آئین نافذ کیا گیا تھا۔

یہ بھی پڑھیں: ملک میں آج یوم پاکستان ملی جذبے سے منایا جا رہا ہے، صدر اور وزیراعظم کی قوم کو مبارکباد