وزیراعظم پنکھا تبدیلی پروگرام کا آغاز — توانائی کی بچت اور بجلی کے بلوں میں کمی کا وعدہ

 حکومت نے باضابطہ طور پر وزیراعظم پنکھا تبدیلی پروگرام کا آغاز کر دیا ہے، جس کا مقصد ملک بھر میں توانائی کی بچت کو فروغ دینا اور بجلی کے بلوں میں کمی لانا ہے۔

افتتاحی تقریب سے خطاب کرتے ہوئے وفاقی وزیر توانائی اویس لغاری نے کہا کہ اس پروگرام کے تحت صرف پاکستان میں تیار کردہ اعلیٰ معیار کے تصدیق شدہ پنکھے فراہم کیے جائیں گے۔ انہوں نے مزید کہا کہ ترجیح ان صارفین کو دی جائے گی جو کم ترقی یافتہ علاقوں میں رہتے ہیں اور جن کا بجلی کا استعمال کم ہے۔

پرانے اور کم مؤثر پنکھوں کی جگہ جدید، توانائی بچانے والے پنکھے فراہم کرنا۔ یہ پنکھے روایتی پنکھوں کے مقابلے میں تقریباً 70 فیصد کم بجلی استعمال کرتے ہیں۔ حکومت کا ہدف ملک بھر میں لاکھوں پنکھے تبدیل کرنا ہے تاکہ توانائی کی مجموعی طلب کم ہو اور سسٹم کی استحکام میں بہتری آئے۔

آن بل فنانسنگ کی سہولت دستیاب ہے: صارفین نئے پنکھے آسان ماہانہ اقساط میں خرید سکتے ہیں جو براہِ راست واپڈا بجلی کے بل میں شامل ہو جائیں گے۔ زیادہ سے زیادہ PKR 300,000 تک فنانسنگ دستیاب ہے، جس کی ادائیگی 6 سے 18 ماہ میں کی جا سکتی ہے۔

اہل صارفین کے لیے شرائط, درخواست دہندہ کو گھر کا مالک ہونا ضروری ہے۔درست CNIC ہونا لازمی ہے۔ شناخت کی تصدیق کے لیے SIM اپنے نام پر رجسٹرڈ ہو۔ بجلی کا کنکشن اور بل درخواست دہندہ کے نام پر ہونا چاہیے۔
صارف صرف گھریلو (رہائشی) صارف ہونا چاہیے۔

درخواست دینے کا طریقہ: سرکاری پورٹل efan.gov.pk یا E-Fan موبائل ایپ پر جائیں۔ اپنا CNIC نمبر درج کریں اور OTP کے ذریعے شناخت کی تصدیق کریں۔ بجلی کے بل کا حوالہ نمبر اور گھر کے ضروری تفصیلات فراہم کریں۔

CNIC اور تازہ ترین بجلی کا بل اپلوڈ کریں۔ NEECA تصدیق شدہ 5-سٹار توانائی بچانے والے پنکھے منتخب کریں اور قسطوں کا منصوبہ (6، 12، یا 18 ماہ) منتخب کریں۔

مزید جانیئے: پنکھا تبدیلی پروگرام،‌ اسکیم سے فائدہ اٹھائیں