By وزیراعظم کے مشیر اور سینیٹر رانا ثناء اللہ نے کہا ہے کہ پاکستان، ترکیہ اور دیگر دوست ممالک ایران اور امریکا کے درمیان معاہدے کی کوشش کر رہے ہیں، جبکہ پاکستان نے سعودی عرب اور ایران کے درمیان معاملات میں بھی کردار ادا کیا ہے۔
ایک نجی چینل کے پروگرام میں بات چیت کرتے ہوئے رانا ثناء اللہ کا کہنا تھا کہ کچھ ممالک خطے میں منفی کردار ادا کر رہے ہیں، پہلے اس میں اسرائیل شامل تھا اور اب بھارت بھی اس میں شامل ہو گیا ہے۔ ان کا کہنا تھا کہ منفی کردار ادا کرنے والے ممالک چاہتے ہیں کہ خطے میں کشیدگی برقرار رہے۔
انہوں نے کہا کہ پاکستان نے ایران کو یہ پیغام دیا ہے کہ مسلمان ممالک خصوصاً سعودی عرب کو ہدف نہ بنایا جائے۔ ان کا کہنا تھا کہ ریاض اور تہران کے درمیان معاملات میں بہتری آتی نظر آ رہی ہے اور پاکستان ترکیہ، قطر اور متحدہ عرب امارات کے ساتھ مل کر خطے میں کشیدگی کم کرنے کی کوشش کر رہا ہے۔
یہ بھی پڑھیں:پاکستان سے عرب ممالک جانیوالے مسافروں کیلئے آج کی پروازوں کی صورتحال
