By فیڈرل بورڈ آف ریونیو (ایف بی آر) نے محصولات کی وصولی اور مقررہ مالی اہداف کو حاصل کرنے کے لیے ایک اہم انتظامی فیصلہ کیا ہے جس کے تحت اب تمام متعلقہ دفاتر جمعہ کے روز بھی کھلے رہیں گے۔
تفصیلات کے مطابق ایف بی آر کی جانب سے باقاعدہ نوٹیفکیشن جاری کر دیا گیا ہے جس میں واضح کیا گیا ہے کہ ٹیکس گزاروں کی سہولت اور دفتری امور کی بروقت تکمیل کے لیے جمعہ کی چھٹی ختم کر دی گئی ہے اور تمام فیلڈ فارمیشنز معمول کے مطابق کام کریں گی۔
اس فیصلے کا بنیادی مقصد مالی سال کے اہداف کو یقینی بنانا اور ٹیکس دہندگان کو گوشوارے و واجبات جمع کروانے کے لیے اضافی وقت فراہم کرنا ہے تاکہ کسی بھی قسم کی قانونی پیچیدگی یا تاخیر سے بچا جا سکے۔ حکام کا کہنا ہے کہ اس اقدام سے ریونیو اکٹھا کرنے کی رفتار میں اضافہ ہوگا اور معاشی نظم و ضبط برقرار رکھنے میں مدد ملے گی۔
تمام دفاتر کو ہدایت کی گئی ہے کہ وہ جاری کردہ نوٹیفکیشن پر فوری عملدرآمد یقینی بنائیں تاکہ عوامی اور سرکاری معاملات میں تسلسل برقرار رہے۔
مزید پڑھیں: سرکاری ملازمین کو ہفتے میں کتنی چھٹیاں ہونگی؟ نوٹیفکیشن جاری
