ایران اس جنگ کو اپنی شرائط اور اپنے وقت پر ختم کرے گا، ایرانی حکام

ایران نے جنگ بندی کی امریکی تجاویز مسترد کردیں ہیں۔ ایرانی حکام نے کہا ہے کہ ایران نے جنگ بندی سے متعلق امریکی تجاویز کا جائزہ لینے کے بعد انہیں غیر مناسب قرار دے کر مسترد کر دیا ہے۔

ایرانی حکام کے مطابق جنگ بندی کی پہلی شرط حملوں کا مکمل خاتمہ ہے، جبکہ ایران اس جنگ کو اپنی شرائط اور اپنے مقررہ وقت کے مطابق ختم کرے گا۔

انہوں نے واضح کیا کہ اپنی شرائط پوری ہونے تک دفاعی آپریشنز جاری رہیں گے۔

ایرانی عہدیدار نے پریس ٹی وی سے گفتگو کرتے ہوئے کہا کہ امریکی پیشکش حد سے تجاوز کے مترادف ہے۔

ایرانی عہدیدار کے مطابق علاقائی ثالث کے ذریعے پیغام بھیج دیا گیا ہے کہ ایران اپنا دفاع جاری رکھے گا۔

یہ بھی پڑھیں: امریکی صدر نے ایران پر حملے کا فیصلہ وزیردفاع پیٹ ہیگستھ کے کھاتے میں ڈال دیا

ایرانی حکام نے مزید کہا ہے کہ جنگ بندی کا فیصلہ صرف ایران کی شرائط پر ہوگا۔ ایران میں جنگ کے نقصانات کا تعین اور ادائیگیوں کی ضمانت دی جائے

انہوں نے مزید کہا کہ جارحیت کے بعد اب کوئی بھی امریکہ کی سفارتکاری پر اعتماد نہیں کرسکتا۔