By پاکستان کی انتہائی مؤثر سفارت کاری نے عالمی سطح پر ایک بار پھر اپنی دھاک بٹھا دی ہے۔ امریکہ اور ایران کے درمیان حالیہ کشیدگی کو کم کرنے اور دو ہفتوں کی تاریخی جنگ بندی کو موثر بنانے میں اسلام آباد ٹاکس کے آغاز نے ممکن بنانے میں پاکستان کے مرکزی کردار نے عالمی رائے عامہ کو مکمل طور پر تبدیل کر دیا ہے۔
بین الاقوامی میڈیا اور ماہرینِ خارجہ امور اب پاکستان کو محض ایک علاقائی کھلاڑی کے بجائے ایک “عالمی امن ساز” (Global Peacemaker) کے طور پر دیکھ رہے ہیں۔
اس سفارتی کامیابی کی گونج سرحد پار بھارت میں بھی سنائی دے رہی ہے۔ بھارتی دفاعی تجزیہ کاروں اور سوشل میڈیا صارفین، جو روایتی طور پر پاکستان کے ناقد رہے ہیں، اب کھل کر پاکستان کی تزویراتی بصیرت اور آرمی چیف جنرل عاصم منیر کی قیادت میں ہونے والی “پسِ پردہ سفارت کاری” کی تعریف کر رہے ہیں۔
بھارتی مبصرین کا ماننا ہے کہ پاکستان نے جس مہارت سے واشنگٹن اور تہران کے درمیان پل کا کردار ادا کیا ہے، اس سے خطے کو ایک بڑی تباہی سے بچانے میں مدد ملی ہے۔
عالمی سطح پر پاکستان کی اس بڑھتی ہوئی ساکھ نے یہ ثابت کر دیا ہے کہ پاکستان اپنی جغرافیائی اہمیت اور تجربہ کار سفارتی چینلز کی بدولت پیچیدہ ترین بین الاقوامی تنازعات کو حل کرنے کی صلاحیت رکھتا ہے۔
اسلام آباد میں جاری حالیہ مذاکراتی عمل اور عالمی سرچ ٹرینڈز میں پاکستان کی قیادت کا سرفہرست آنا اس بات کا واضح ثبوت ہے کہ دنیا اب پاکستان کے تعمیری کردار کی معترف ہو چکی ہے۔ یہ پیشرفت نہ صرف پاکستان کی سفارتی تاریخ کا ایک سنہرا باب ہے بلکہ جنوبی ایشیا میں امن کے قیام کی جانب ایک بڑا سنگ میل بھی ہے۔
مزید پڑھیں: اسلام آباد ٹالکس: ایرانی اسپیکر اور وزیر خارجہ کی سربراہی میں وفد اسلام آباد پہنچ گیا
