عمران خان کے بیٹے قاسم کا سوشل میڈیا پر جذباتی پیغام

پاکستان تحریکِ انصاف کے بانی چیئرمین عمران خان کے صاحبزادے قاسم خان نے سوشل میڈیا پر ایک جذباتی پیغام جاری کرتے ہوئے اپنے والد کی صحت اور قید سے متعلق بیان جاری کرتے ہوئے ملنے کی خواہش کا اظہار کیا ہے۔

قاسم خان نے کہا ہے کہ وہ اور ان کے بھائی اپنے والد سے ملاقات کے لیے پاکستان جانا چاہتے ہیں، تاہم انہیں اس میں شدید مشکلات کا سامنا ہے۔

یہ بھی پڑھیں:شاہد آفریدی کی عمران خان کے بیٹے قاسم خان سے ملاقات

سماجی رابطے کی سائٹ ایکس پر جاری بیان میں قاسم خان نے کہا کہ ’میرے والد عمران خان گزشتہ 914 دن سے قیدِ تنہائی میں ہیں اور ان کی صحت مسلسل بگڑ رہی ہے‘۔ انہوں نے الزام عائد کیا کہ عمران خان کو آزاد اور معیاری طبی سہولتوں تک رسائی فراہم نہیں کی جا رہی، جو ایک قیدی کے بنیادی انسانی حقوق کے خلاف ہے۔

My brother and I are trying to travel to Pakistan to see our father. For 914 days, he has been held in solitary confinement while his health deteriorates and he is denied access to independent medical care.

Now the government is deliberately refusing to process our visas.… pic.twitter.com/L23ZRmRDZj

— Kasim Khan (@Kasim_Khan_1999) February 4, 2026

قاسم خان نے اپنے ٹویٹ میں دعویٰ کیا کہ وہ اور ان کے بھائی کئی بار پاکستان آنے کی خواہش اور درخواست کا اظہار کر چکے ہیں، تاہم ان کی ویزا درخواستوں مشکلات آ رہی ہیں۔ انہوں نے کہا کہ ’ہم اپنے والد سے ملنا چاہتے ہیں، یہ ہمارا بنیادی حق ہے، لیکن ہمیں اس حق سے محروم رکھا جا رہا ہے‘۔

انہوں نے مزید کہا کہ عمران خان کی طویل قیدِ اور محدود طبی سہولتوں کے باعث ان کی جسمانی اور ذہنی صحت کو شدید خطرات لاحق ہیں۔

قاسم خان نے اپنی پوسٹ میں بین الاقوامی تنظیموں اور مختلف حکومتوں سے اس معاملے پر آواز اٹھانے کی بھی بات کی ہے۔

واضح رہے کہ حکومتِ پاکستان ہمیشہ سے عمران خان کے بیٹوں کے ان دعوؤں کو مسترد کرتی آ رہی ہے، حکومت کا کہنا ہے کہ عمران خان کو جیل میں تمام صحت سمیت تمام طبی سہولیات فراہم کی جا رہی ہیں اور اس حوالے سے پاکستان تحریک انصاف اور عمران خان کے اہل خانہ کے الزامات محض سیاسی پوائنٹ سکورننگ ہیں۔

حکومت ذرائع کا کہنا ہے کہ عمران خان کے صاحبزادوں پر پاکستان آنے پر کوئی پابندی نہیں ہے، یہ محض الزامات ہیں جن کی آڑ میں عالمی سطح پر ملک کو بدنام کیا جا رہا ہے۔

واضح رہے کہ عمران خان کے صاحبزادے کا یہ بیان ایسے وقت سامنے آیا ہے جب ملک میں سیاسی فضا پہلے ہی کشیدہ ہے اور عمران خان کی آنکھوں کا معائنہ بھی کروایا گیا ہے جس میں ڈاکٹروں نے انہیں مکمل صحت یاب قرار دیا ہے۔