میٹرک کے طالبعلموں کیلئے نیا نظام؟کیا کچھ بدلنے جارہا؟بڑی خبر سامنے آگئی

کراچی میں میٹرک کے امتحانات کے لیے نیا گریڈنگ سسٹم نافذ کرنے کا اعلان کردیا گیا ہے۔ بورڈ آف سیکنڈری ایجوکیشن کراچی نے بتایا ہے کہ رواں سال جماعت نہم کے سالانہ امتحانات سے یہ نیا گریڈنگ سسٹم نافذ ہوگا۔ جماعت دہم کے طلبہ کے لیے یہ نظام 2027 سے لاگو ہوگا۔

نئے گریڈنگ سسٹم کے مطابق میٹرک میں پاس ہونے کے لیے کم از کم نمبر 40 فیصد مقرر کیے گئے ہیں۔ اس نظام میں فیل کا تصور ختم کر کے یو گریڈ متعارف کرایا گیا ہے۔ نئے سسٹم کے تحت 96 سے 100 فیصد نمبر حاصل کرنے والے طلبہ کو اے پلس پلس گریڈ دیا جائے گا جبکہ 40 فیصد سے کم نمبر حاصل کرنے والے طلبہ یو گریڈ کے حامل ہوں گے۔ کم از کم 40 فیصد نمبر حاصل کرنے والے طلبہ کامیاب تصور کیے جائیں گے۔

یہ بھی پڑھیں:میٹرک وانٹر کے طلبہ کیلئے بڑی خبر،تعلیمی بورڈز نے نیا ڈیجیٹل نظام متعارف کرا دیا

بورڈ نے اس کے علاوہ جی پی اے سسٹم عبوری طور پر متعارف کرانے کا فیصلہ بھی کیا ہے تاکہ طلبہ کی مجموعی کارکردگی کو بہتر طریقے سے ماپا جا سکے۔ اس سسٹم کے تحت 40 فیصد سے کم نمبر حاصل کرنے والے طلبہ کو دوبارہ امتحان دینا ہوگا تاکہ وہ اپنی کارکردگی بہتر بنا سکیں۔

نئے گریڈنگ سسٹم کا مقصد طلبہ کی کارکردگی کو درست طور پر پرکھنا اور انہیں کامیابی و ناکامی کے دباؤ سے آزاد کر کے ایک مثبت تعلیمی ماحول فراہم کرنا ہے۔ بورڈ کا کہنا ہے کہ یہ تبدیلی طلبہ کو حوصلہ افزائی دینے اور تعلیمی معیار بلند کرنے میں مددگار ثابت ہوگی۔

اس نظام کے نفاذ سے طلبہ کی تیاری اور پڑھائی پر بھی اثر پڑنے کی توقع ہے کیونکہ وہ اپنی کمزوریوں کو سمجھ کر دوبارہ امتحان کے ذریعے انہیں درست کر سکیں گے۔ تعلیمی ماہرین کے مطابق یہ قدم طلبہ کے لیے اہم پیش رفت ہے، جس سے وہ تعلیمی دباؤ کے بغیر اپنی کارکردگی بہتر بنا سکتے ہیں۔