سونے کی قیمتوں میں آج بھی کمی کا سلسلہ جاری،فی تولہ کتنے کا ہو گیا؟

عالمی اور مقامی مارکیٹ میں سونے کی قیمت میں آج بھی کمی کا رجحان برقرار رہا ہے۔ بین الاقوامی مارکیٹ میں سونا 10 ڈالر سستا ہو کر 4445 ڈالر فی اونس کی سطح پر آ گیا۔ اسی طرح مقامی صرافہ مارکیٹ میں بھی سونے کی قیمت میں کمی ریکارڈ کی گئی ہے۔ ایک تولہ سونا 1000 روپے سستا ہو کر 4 لاکھ 67 ہزار 262 روپے کا ہو گیا ہے۔

اسی طرح 10 گرام سونے کی قیمت میں 858 روپے کی کمی ہوئی، جس کے بعد اس کی نئی قیمت 4 لاکھ 601 روپے مقرر ہوئی ہے۔ چاندی کی قیمت میں بھی کمی دیکھنے میں آئی ہے، جہاں ایک تولہ چاندی 30 روپے سستی ہو کر 7454 روپے کی سطح پر آ گئی ہے۔

یہ بھی پڑھیں:عمران خان اور بشری بی بی کے 190ملین پاونڈکیس سے متلعق عدالت سے بڑی خبر

واضح رہے کہ گزشتہ روز بھی عالمی اور مقامی مارکیٹ میں سونے کی قیمتوں میں نمایاں کمی دیکھنے میں آئی تھی۔ عالمی مارکیٹ میں سونا 110 ڈالر سستا ہو کر 4455 ڈالر فی اونس تک گر گیا تھا، جبکہ مقامی مارکیٹ میں ایک تولہ سونا 11 ہزار روپے کمی کے بعد 4 لاکھ 68 ہزار 262 روپے کا ہو گیا تھا۔

اسی طرح گزشتہ روز 10 گرام سونا 9430 روپے سستا ہو کر 4 لاکھ 1 ہزار 459 روپے تک آ گیا تھا، جبکہ ایک تولہ چاندی 340 روپے کمی کے بعد 7484 روپے پر آ گئی تھی۔ ماہرین کے مطابق عالمی سطح پر قیمتوں میں اتار چڑھاؤ کے باعث مقامی مارکیٹ بھی متاثر ہو رہی ہے، اور آئندہ دنوں میں بھی سونے کی قیمتوں میں مزید ردوبدل کا امکان موجود ہے۔