عمران خان اور بشری بی بی کے 190ملین پاونڈکیس سے متلعق عدالت سے بڑی خبر

اسلام آباد ہائیکورٹ میں بانی پاکستان تحریکِ انصاف پی ٹی آئی عمران خان  اور بشریٰ بی بی کے خلاف 190 ملین پاؤنڈ کے کیس میں سزا معطلی کی درخواستوں کی سماعت 31 مارچ کو ہوگی۔ رجسٹرار آفس نے اس اہم کیس کی کاز لسٹ جاری کر دی ہے، جس کے مطابق چیف جسٹس سرفراز ڈوگر اور جسٹس آصف پر مشتمل بینچ درخواستوں کی سماعت کرے گا۔

ذرائع کے مطابق نیب نے سزا معطلی کی درخواستوں کو قابل سماعت نہ ہونے کے اعتراض کے ساتھ دائر کیا تھا، تاہم ہائیکورٹ نے بانی پی ٹی آئی اور بشریٰ بی بی کے وکیل سے تفصیلی جواب طلب کر رکھا ہے۔

یہ بھی پڑھیں:عمران خان کے بیٹے ملک دشمنی میں حد سے بڑھنے لگے،افسوس ناک سازش سامنے آگئی

احتساب عدالت نے اس مقدمے میں 17 جنوری 2025 کو دونوں ملزمان کو 190 ملین پاؤنڈ کے معاملے میں سزائیں سنائی تھیں، جس کے خلاف درخواستیں اب ہائیکورٹ میں زیر التوا ہیں۔ قانونی ماہرین کے مطابق اس سماعت میں فیصلہ ملک میں اعلیٰ عدالتی کارروائیوں اور سیاسی حلقوں میں خاص اہمیت رکھتا ہے، کیونکہ اس کیس کا اثر سیاسی منظرنامے پر بھی پڑ سکتا ہے۔

واضح رہے کہ یہ کیس پاکستان میں سیاسی اور مالی نوعیت کے مقدمات میں سے ایک اہم اور زیر بحث معاملہ سمجھا جا رہا ہے، اور اس کی سماعت سے قبل قانونی ٹیمیں مکمل تیاری کر رہی ہیں۔