By عالمی مارکیٹ میں خام تیل کی بڑھتی قیمتوں کے باعث پاکستان میں بھی مٹی کے تیل کی قیمت میں ایک بار پھر اضافہ کر دیا گیا۔
ملک میں مٹی کے تیل کی قیمت میں ایک بار پھر اضافہ کر دیا گیا ہے، جس کا باضابطہ نوٹیفکیشن آئل اینڈ گیس ریگولیٹری اتھارٹی (اوگرا) نے جاری کر دیا۔
نوٹیفکیشن کے مطابق مٹی کے تیل کی قیمت میں 4 روپے 66 پیسے فی لیٹر اضافہ کیا گیا ہے، جس کے بعد نئی قیمت 433 روپے 40 پیسے فی لیٹر مقرر ہو گئی ہے، اس اضافے کا اطلاق فوری طور پر کر دیا گیا ہے، اس سے قبل مٹی کے تیل کی قیمت 428 روپے 74 پیسے فی لیٹر تھی۔
یہ بھی پڑھیں :پیٹرولیم مصنوعات کی قیمتیں کہاں تک جائیں گی؟ حیران کن تفصیل سامنے آگئی
واضح رہے کہ گزشتہ ہفتے بھی اس کی قیمت میں 70 روپے 73 پیسے فی لیٹر کا بڑا اضافہ کیا گیا تھا، جس کے باعث صارفین پہلے ہی شدید مالی دباؤ کا شکار ہیں۔
