By دبئی میں امریکی قونصل خانے کے قریبی علاقے میں ایک ڈرون حملے اور اس کے بعد ہونے والے زوردار دھماکے کی اطلاعات موصول ہوئی ہیں۔ عینی شاہدین کے مطابق دھماکہ اس قدر شدید تھا کہ اس کی آواز دور دور تک سنی گئی، جس کے بعد قریبی عمارت میں آگ بھڑک اٹھی اور دھوئیں کے بادل فضا میں بلند ہوتے دیکھے گئے۔
تفصیلات کے مطابق دبئی میں امریکی قونصل خانے کے قریب ڈرون حملے کی اطلاعات موصول ہوئی ہیں جس دبئی پولیس اور شہری دفاع کے دستے فوری طور پر جائے وقوعہ پر پہنچ گئے اور علاقے کو گھیرے میں لے لیا۔ آگ پر قابو پانے کے لیے فائر ٹینڈرز مصروفِ عمل ہیں۔
امریکی قونصل خانے اور اس کے اطراف کی سکیورٹی کو انتہائی سخت کر دیا گیا ہے۔ ابتدائی اطلاعات کے مطابق قونصل خانے کی مرکزی عمارت محفوظ ہے، تاہم احتیاطی تدابیر کے طور پر قریبی سڑکوں کو ٹریفک کے لیے بند کر دیا گیا ہے۔
اماراتی سکیورٹی حکام نے ڈرون کی نوعیت اور اس کے منبع () کا پتہ لگانے کے لیے اعلیٰ سطحی تحقیقات شروع کر دی ہیں۔ ابھی تک کسی گروپ کی جانب سے اس واقعے کی ذمہ داری قبول نہیں کی گئی ہے۔
متحدہ عرب امارات کا دفاعی نظام دنیا کے جدید ترین سسٹمز میں شمار ہوتا ہے، اور ماضی میں بھی ایسے خطرات کو کامیابی سے ناکام بنایا جاتا رہا ہے۔ امدادی ٹیموں کے بروقت پہنچنے اور آگ پر قابو پانے کی کوششوں سے بڑے پیمانے پر نقصان کے خدشات کم ہو گئے ہیں۔ حکام کی جانب سے عوام سے اپیل کی گئی ہے کہ وہ صرف سرکاری ذرائع سے آنے والی خبروں پر یقین کریں اور جائے وقوعہ سے دور رہیں۔
مزید جانیئے: بلوچستان میں پاک افغان سر حد پرسیکورٹی فورسز کی “سخت جوابی کارروائی”، متعدد مقامات دہشت گردوں کے خلاف کاروائیاں جاری
