معروف یوٹیوبر اور سوشل میڈیا انفلوئنسر اذلان شاہ نے دوسری شادی کرنے کا اعلان کر دیا۔
تفصیلات کے مطابق اپنی شادی میں دلہن کو گدھا بطور تحفہ دینے والے یوٹیوبر اور سوشل میڈیا انفلوئنسر اذلان شاہ نے فوٹوز اینڈ ویڈیوز شیئرنگ پلیٹ فارم انسٹاگرام پر پہلی اہلیہ کی رضامندی سے دوسری شادی کرنے کا اعلان کیا ہے ۔
اذلان شاہ نے انسٹا اسٹوری میں لکھا کہ ایک اہم چیز ہے جو میں آپ سب سے شیئر کرنا چاہتا ہوں، مجھے لگتا ہے کہ بطور معروف شخصیت یہ میری ذمہ داری ہے کہ میں اس بارے میں خود بات کروں، اس سے پہلے کہ آپ کو یہ چیز کسی اور کے ذریعے معلوم ہو۔
یوٹیوبر کا کہنا تھا کہ یہ کافی عجیب ہے لیکن میں دوبارہ شادی کر رہا ہوں، میری اہلیہ نے اس حوالے سے رضامندی دے دی ہے۔ اس لیے میری فیملی کو ان سب سے دور رکھیں، یہ میرا ذاتی معاملہ ہے۔
اذلان شاہ نے اپنے پیغام کے اختتام میں اپنے مداحوں سے دعاؤں اور نیک تمناؤں کی درخواست بھی کی۔
واضح رہے کہ یوٹیوبر اذلان شاہ معروف اداکار مرحوم شبیر رانا کے صاحبزادے ہیں اور انہوں نے سوشل میڈیا انفلوئنسر ڈاکٹر وریشہ جاوید خان سے 2022 میں شادی کی اور دونوں کی ایک 2 سالہ بیٹی بھی ہے۔
By 
