وائٹ ہاؤس فائرنگ واقعہ ٹرمپ کا واشنگٹن میں 500 اضافی اہلکار تعینات کرنے کا حکم

وائٹ ہاؤس کے قریب فائرنگ کے واقعے کے بعد امریکی صدر ڈونلڈ ٹرمپ نے واشنگٹن ڈی سی میں 500 اضافی اہلکار تعینات کرنے کا حکم دیدیا۔

وزیرجنگ پیٹ ہیگسیتھ نے کہا کہ وائٹ ہاؤس کے قریب فائرنگ کے واقعے کے بعد صدر ٹرمپ نے فور طور پر یہ قدم اٹھانے کا فیصلہ کیا۔

وزیرجنگ نے کہا کہ اہلکاروں پر حملہ کسی صورت برداشت نہیں کیا جائے گا، واشنگٹن میں 500 اضافی اہلکار تعینات کیے جائیں گے، اضافی تعیناتی مقصد دارالحکومت میں سکیورٹی کو مضبوط بنانا اور کسی بھی ممکنہ خطرے کا مقابلہ کرنا ہے۔

یاد رہے کہ واشنگٹن میں وائٹ ہاؤس کے قریب نیشنل گارڈ کے 2 اہلکاروں کو گولی ماردی گئی جن کی حالت تشویشناک بتائی جارہی ہے۔

مزید پڑھیں: واشنگٹن: وائٹ ہاؤس کے قریب نیشنل گارڈز پر فائرنگ، 2 اہلکار ہلاک

امریکی میڈیا کی رپورٹ کے مطابق فائرنگ کے واقعے کے بعد وائٹ ہاؤس کو لاک ڈاؤن کردیا گیا ،جائے وقوعہ کے اطراف کے علاقے کو بھی گھیرے میں لے لیاگیا۔

پولیس نے بتایا کہ فائرنگ کرنے والے ایک مشتبہ شخص کو حراست میں لیا گیا ہے۔ دوسری جانب امریکی میڈیا کے مطابق  واشنگٹن میں وائٹ ہاؤس کے قریب نیشنل گارڈ پر فائرنگ کرنے والے مشتبہ شخص کی شناخت 29 سالہ افغان نیشنل رحمان اللہ لکنوال کے نام سے ہوئی ہے جسے 2021 میں بائیڈن کے فوری انخلاء پلان کے تحت امریکہ لایا گیا تھا۔