جمعرات اور جمعہ کوچھٹی کا اعلان،نوٹیفکیشن جاری

وفاقی حکومت نےدودن کی تعطیلات کا باضابطہ نوٹیفکیشن جاری کر دیا ہے،ہر سال کی طرح اس برس بھی 25 دسمبر کو بانی پاکستان قائداعظم محمد علی جناح کی ولادت کے موقع پر ملک بھر میں عام تعطیل ہوگی جبکہ مسیحی برادری کو اپنے مذہبی تہوار کے بعد اہلِ خانہ کے ساتھ وقت گزارنے کی سہولت دینے کے لیے 26 دسمبر کو سرکاری و نیم سرکاری اداروں میں کرسچن ملازمین کو چھٹی دی جائے گی۔

ادھر پنجاب میں موسمِ سرما کی چھٹیوں سے متعلق اہم پیش رفت سامنے آئی ہے محکمہ سکول ایجوکیشن نے موسم سرما کی تعطیلات کی سمری تیار کرکے وزیراعلیٰ پنجاب مریم نواز شریف کو منظوری کے لیے ارسال کر دی ہے۔

سمری کے مطابق صوبے کے تمام سرکاری و نجی تعلیمی اداروں میں 23 دسمبر سے 10 جنوری تک تعطیلات کی تجویز دی گئی حتمی فیصلہ وزیراعلیٰ آفس سے منظوری کے بعد جاری کیا جائے گا۔

یہ خبربھی پڑھیں :تعلیمی اداروں میں موسم سرما کی تعطیلات کا شیڈول جاری

صوبے میں اس برس سردی معمول سے زیادہ شدت اختیار کر رہی ہے جس پر والدین، اساتذہ اور ماہرین صحت نے بھی بروقت حکومتی اقدامات کو ضروری قرار دیا تھا بلوچستان کے سرد ترین اضلاع میں موسمِ سرما کی تعطیلات کا آغاز پہلے ہی کیا جا چکا ہے۔

صوبائی محکمہ تعلیم کے مطابق 16 دسمبر سے اڑھائی ماہ کے لیے تمام اسکول بند رہیں گے ان علاقوں میں شدید برف باری اور نقطۂ انجماد سے نیچے درجہ حرارت کے باعث ہر سال طویل تعطیلات دی جاتی ہیں تاکہ بچوں کو سخت موسم کے مضر اثرات سے محفوظ رکھا جا سکے۔

خیبر پختونخوا میں بھی تعطیلات کا شیڈول جاری کر دیا گیا ہے صوبائی حکومت کے مطابق میدانی اضلاع میں 22 دسمبر سے 31 دسمبر تک جبکہ پہاڑی اضلاع میں 22 دسمبر سے 29 فروری تک تعطیلات ہوں گی۔