سعودی شہزادہ عبداللہ بن فہد بن عبداللہ انتقال کرگئے

سعودی عرب کے شہزادہ عبد اللہ بن فہد بن عبد اللہ بن عبد العزیز بن مساعد بن جلوی آل سعود کے انتقال کی اطلاع جاری کر دی گئی ہے۔ سعودی پریس ایجنسی کے مطابق ایوانِ شاہی نے ایک اعلامیہ میں بتایا کہ شہزادہ عبد اللہ بن فہد بن عبد اللہ بن عبد العزیز بن مساعد بن جلوی آل سعود کا انتقال بیرونِ ملک ہوا۔

اعلامیے میں مزید کہا گیا کہ ایوانِ شاہی نے مرحوم کے لیے رحمت، مغفرت اور بلندیِ درجات کی دعا کی ہے۔

یہ بھی پڑھیں: چیئرمین پی سی بی محسن نقوی کی سعودی وزیر کھیل سے اہم ملاقات، اسپورٹس کے مشترکہ منصوبوں پر تبادلہ خیال

سعودی میڈیا کے مطابق شہزادہ عبد اللہ بن فہد بن عبد اللہ بن عبد العزیز بن مساعد بن جلوی آل سعود کی نمازِ جنازہ آج منگل کو ریاض کی جامع مسجد امام ترکی بن عبد اللہ میں ادا کی گئی۔ نمازِ جنازہ عصر کی نماز کے بعد ہوئی، جس میں مختلف اہم شخصیات نے شرکت کی۔ رپورٹ کے مطابق ان کی نمازِ جنازہ ریاض ریجن کے گورنر نے پڑھائی۔

یہ بھی پڑھیں: سعودی عرب کے چیف آف جنرل اسٹاف کی جی ایچ کیو آمد، فیلڈ مارشل سید عاصم منیرسے ملاقات، دفاعی اور عسکری تعاون بڑھانے پر اتفاق

ایوان شاہی کے اعلامیے میں کہا گیا ہے کہ شہزادہ عبد اللہ بن فہد بن عبد اللہ بن عبد العزیز بن مساعد بن جلوی آل سعود کے انتقال پر گہرے دکھ اور افسوس کا اظہار کیا گیا ہے، جبکہ ان کے اہل خانہ اور خاندان کے ساتھ تعزیت بھی کی گئی ہے۔

یہ بھی پڑھیں: افغانستان ’عالمی دہشتگردوں کی پناہ گاہ‘ بن چکا، پاکستان کا مؤقف درست ہے، عالمی جریدے کی ہوشربا رپورٹ

اعلامیہ میں مزید کہا گیا کہ اللہ تعالیٰ مرحوم کو اپنی جوارِ رحمت میں جگہ دے اور ان کے درجات بلند فرمائے۔

یہ بھی پڑھیں: سعودی عرب عالمی میری ٹائم آرگنائزیشن کی ایگزیکٹو کونسل کا نیا رکن منتخب