پنجاب حکومت کا گندگی پھیلانے والوں پر بھی جرمانے عائد کرنےکا فیصلہ

 پنجاب حکومت نے گندگی پھیلا نے والوں پر بھی جرمانے عائد کیے جانے کا فیصلہ کیا  ہے۔

وزیراعلیٰ پنجاب  مریم نواز کی زیر صدارت ستھرا پنجاب کے حوالے سے اجلاس ہوا  جس دوران  مریم نوازنے ویسٹ ٹو ویلیو  پروجیکٹ کیلئے وسط جنوری تک کا جامع پلان طلب کرلیا۔

تفصیلات کیمطابق وزیراعلیٰ پنجاب کو بریفنگ میں بتایا گیا کہ صوبے بھر میں ستھرا پنجاب پرعوام کی طرف سے اچھے کام کا مثبت فیڈ بیک آرہا ہے، گاڑیوں کی چیکنگ کیلئے وہیکل ٹریکنگ مینجمنٹ سسٹم اور لائیو کنٹینرمانیٹرنگ جاری ہے جبکہ شفافیت کیلئےستھرا پنجاب میں تنخواہوں اور ادائیگی کا سسٹم ڈیجیٹلائز کر دیا گیا ہے۔

 یہ خبربھی پڑھیں : وزیر اعلی پنجاب کی ٹریفک پولیس کو وارننگ آخری موقع ہے، کارکردگی نہ دکھائی تو نیا محکمہ بنانا پڑے گا 

وزیراعلیٰ مریم نواز نے کہا کہ صفائی کا اتنا بڑا نظام کسی معجزے سے کم نہیں، زیرو سے آغاز کیا اور وقت کے ساتھ ساتھ ستھرا پنجاب پروجیکٹ میں بہتری لارہے ہیں، شہروں اور دیہات کی صفائی کا جامع نظام برسوں پہلے بننا چاہیے تھا۔

مریم نواز نے کہا ہے کہ شہروں اور دیہات کی صفائی کا جامع نظام برسوں پہلے بننا چاہیے تھا، صوبے بھر میں ستھرا پنجاب پر عوام کی طرف سے اچھے کام کا مثبت فیڈ بیک آرہا ہے۔

یہ بھی پڑھیں :زندہ دلان لاہور بسنت کب منائیں گے ؟ فیصلہ ہوگیا

اس اجلاس میں فیصلہ کیا گیا کہ پنجاب میں کمرشل ایریازاورسڑک پر کوڑا کرکٹ پھیلانے والے قانون کے شکنجے میں ہوں گے جو بھی پنجاب میں گندگی پھیلائے گا جرمانے کی سزا پائے گا۔

پنجاب میں صفائی والی گاڑیاں بھی اب ماحول دوست الیکٹرک وہیکلز ہوں گی جب کہ صوبے میں اب کوڑے کرکٹ سے بھی انرجی پیدا کی جائے گی۔