By چالیس ہزار روپے مالیت کے پریمیم پرائز بانڈ رکھنے والے سرمایہ کاروں کے لیے اہم اعلان سامنے آگیا ہے نیشنل سیونگز سینٹر نے باضابطہ طور پر سال 2025 کی آخری قرعہ اندازی کی تاریخ جاری کردی ہے، جس کا بے چینی سے انتظار کیا جا رہا تھا۔ اس اعلان نے ان تمام افراد میں نئی امید پیدا کردی ہے جو بڑے انعامات جیتنے کی خواہش رکھتے ہیں۔
تفصیلات کے مطابق 40 ہزار روپے پریمیم پرائز بانڈ کی سالانہ آخری ڈرا 10 دسمبر 2025 کو منعقد ہوگی۔ اس موقع پر سرمایہ کار کروڑوں روپے کے انعامات کی توقع رکھتے ہیں۔ یہ ڈرا نیشنل سیونگز سینٹر سیالکوٹ میں ہوگا، جہاں بڑے پیمانے پر انعامی رقوم کی تقسیم کی جائے گی۔
یہ بھی پڑھیں :750 کے پرائز بانڈ رکھنے والوں کیلئے اہم خبر آگئی ، جلد خوش نصیبوں کااعلان بھی کیا جائے گا
پریمیم پرائز بانڈ روایتی قومی پرائز بانڈ سے قدرے مختلف نوعیت رکھتا ہے۔ یہ ایک رجسٹرڈ بانڈ ہے جو خریدار کے نام پر جاری ہوتا ہے، اس لیے اس کا ریکارڈ محفوظ رہتا ہے اور اس کی ملکیت واضح ہوتی ہے۔ اس اسکیم کے ذریعے بانڈ ہولڈرز کو دوہرا فائدہ حاصل ہوتا ہے ایک طرف انہیں ہر چھ ماہ بعد منافع دیا جاتا ہے جبکہ دوسری طرف وہ سہ ماہی بنیادوں پر ہونے والی قرعہ اندازی میں بھی شامل ہوتے ہیں، بشرطیکہ وہ شیڈول کے مطابق شٹ پیریڈ کی پابندی کریں۔
یہ اسکیم سینٹرل ڈائریکٹوریٹ آف نیشنل سیونگز (CDNS) کے تحت جاری اور منظم کی جاتی ہے۔ ہر بانڈ پر ایک خصوصی الفا نیومیرک نمبر درج ہوتا ہے جس میں سیریز کا حرف اور منفرد سیریل نمبر شامل ہوتا ہے۔ اسی نظام کے تحت ہر بانڈ کو برابر کا موقع دیا جاتا ہے کہ وہ انعام کے لیے منتخب ہوسکے۔
چالیس ہزار روپے پریمیم بانڈ کے انعامات یہ ہیں
پہلا انعام: 8 کروڑ روپے
دوسرا انعام: 3 کروڑ روپے ، تین خوش نصیبوں کے لیے
