By پاکستان میں پہلی بار نجی شعبے کے تعاون سے ڈرون ٹیکنالوجی ایکسپو کا انعقاد کیا گیا جس میں جدید بغیر پائلٹ طیارہ جات (UAS) اور (Counter UAS) ٹیکنالوجیز کی نمائش کی گئی۔
اسلام آباد میں نیشنل یونیورسٹی آف سائنس اینڈ ٹیکنالوجی میں منعقد ہونے والا یہ ڈرون ٹیک ایکسپو ڈرون ٹیک ایکس کے تعاون سے 3 اور 4 دسمبر کو منعقد ہوا۔
یہ بھی پڑھیں؛ بیرون ملک سے موبائل فونز لانے والوں کے لئے خوشخبری
وزارتِ دفاعی پیداوار اور DEPO کے اشتراک سے منعقد کیے گئے اس سیمینار اور نمائش میں 50 سے زائد کمپنیوں نے شرکت کی جہاں بغیر پائلٹ طیاروں کی ڈیزائننگ، تیاری اور معاون نظام سے متعلق ملکی مہارت کا عملی مظاہرہ کیا گیا۔
ایکسپو نے نہ صرف جدید ڈرون ٹیکنالوجیز کو پیش کیا بلکہ تعلیم اور صنعت کے مابین تعاون کو مضبوط بنانے میں بھی اہم کردار ادا کیا، اس سیمینار نے سرکاری اور نجی شعبے کے شراکت داروں کے ساتھ رابطے بڑھانے کے لیے مؤثر پلیٹ فارم فراہم کیا۔
🚨🚨پاکستان میں پہلا نجی شعبہ ڈرون ٹیک ایکسپو، NUST میں جدید بغیر پائلٹ طیارے (UAS) ٹیکنالوجی کی نمائش کا انعقاد۔۔۔سیمینار کا انعقاد وزارتِ دفاعی پیداوار اور DEPO کے اشتراک سے 3 اور 4 دسمبر کو NUST کیمپس اسلام آباد میں ہوا۔۔ pic.twitter.com/ya8btmjJBe
— Azaad Urdu (@azaad_urdu) December 5, 2025
