عالمی اور مقامی مارکیٹ میں آج سونے کی قیمت میں کمی

ملکی اور عالمی مارکیٹ میں سونے کی قیمت ایک بار پھر اتار چڑھاؤ کا شکار ہے،سونے کی قیمت میں  ایک روز اضافے کے بعد آج پھر نمایاں کمی ریکارڈ کی گئی ہے، جس کے بعد سنار مارکیٹوں میں ریٹس ایک بار پھر نیچے آگئے ہیں۔

آل پاکستان صرافہ اینڈ جیولرز ایسوسی ایشن کے جاری کردہ نرخوں کے مطابق  24 قیراط فی تولہ سونا آج 2 ہزار 300 روپے کمی کے بعد 4 لاکھ 42 ہزار 162 روپے پر پہنچ گیا ہے۔

اسی طرح 10 گرام سونا بھی 1 ہزار 972 روپے کی کمی کے ساتھ 3 لاکھ 79 ہزار 82 روپے پر فروخت ہو رہا ہے، جو گزشتہ کئی دنوں کے مقابلے میں کم قیمت ہے۔

ایسوسی ایشن کے مطابق 22 قیراط 10 گرام سونے کی قیمت 1 ہزار 808 روپے کم ہو کر 3 لاکھ 47 ہزار 504 روپے کی سطح پر آگئی ہے۔ سونے کے ساتھ ساتھ چاندی کے نرخوں میں بھی معمولی رد و بدل دیکھا گیا ہے،  24 قیراط 1 تولہ چاندی بدستور 6 ہزار 72 روپے پر برقرار ہے، جبکہ 10 گرام چاندی کی قیمت 5 ہزار 205 روپے پر جوں کی توں ہے۔

یہ بھی پڑھیں :عالمی اور مقامی مارکیٹ میں سونا آج بھی سستا ، چاندی کی اونچی اُڑان

عالمی مارکیٹ میں بھی سونے کی قیمت میں کمی سامنے آئی ہے جہاں بین الاقوامی مارکیٹ میں فی اونس سونا 23 ڈالر کم ہو کر 4 ہزار 198 ڈالر کی سطح پر آگیا ہے، جب کہ چاندی کی عالمی قیمت 58 ڈالر فی اونس پر مستحکم ہے۔

ماہرین کے مطابق عالمی معاشی دباؤ، غیر یقینی مالی حالات اور سرمایہ کاری کی بدلتی ترجیحات سونے کی قیمتوں پر براہ راست اثرانداز ہو رہی ہیں۔

دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے، بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔

رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں، ایشیاء میں چین اور بھارت سونے کے سب سے زیادہ ذخائر رکھتے ہیں ، ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔