ایک روز اضافے کے بعد آج ملک میں فی تولہ سونا 1900 روپے سستا

ملک میں سونے کی قیمتوں میں اتار چڑھاؤ جاری ہے، گزشتہ روز قیمت میں نمایاں اضافے کے بعد آج فی تولہ قیمت میں کمی ریکارڈ کی گئی۔

آل پاکستان صرافہ جیمز اینڈ جیولری ایسوسی ایشن کے مطابق ایک ہزار 900 روپے کی کمی کے بعد ملک میں فی تولہ سونا 4 لاکھ 41 ہزار 862 روپے کا ہوگیا۔

اسی طرح 10 گرام سونے کی قیمت 1629 روپے سے کم ہو کر 3 لاکھ 78 ہزار 825  روپے ہے۔

دوسری جانب عالمی بازار میں سونے کا بھاؤ 19 ڈالر کمی سے 4 ہزار 195 ڈالر فی اونس ہے۔

یہ بھی پڑھیں : سونا ہوا مزید مہنگا ، فی تولہ قیمت میں 14 ہزار روپے سے زائد اضافہ

ماہرین کے مطابق عالمی معاشی دباؤ، غیر یقینی مالی حالات اور سرمایہ کاری کی بدلتی ترجیحات سونے کی قیمتوں پر براہ راست اثرانداز ہو رہی ہیں۔

 تجزیہ کاروں کاکہنا ہے کہ  آنے والے دنوں میں سونے کی قیمتوں میں مزید اتار چڑھاؤ ممکن ہے، جس کا انحصار عالمی معاشی حالات اور امریکی ڈالر کی مضبوطی یا کمزوری پر ہوگا ، زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔

یہ بھی پڑھیں :عالمی اور مقامی مارکیٹ میں سونا آج بھی سستا ، چاندی کی اونچی اُڑان

دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے، بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔

رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں ، ایشیاء میں چین اور بھارت سونے کے سب سے زیادہ ذخائر رکھتے ہیں ۔

یہ بھی پڑھیں : سونا سستا، چاندی کی قیمت بلند ترین سطح پر پہنچ گئی

ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔