پیٹرول کے بعد مٹی کے تیل کی قیمت میں بھی تاریخی اضافہ

مٹی کےتیل کی قیمت میں تاریخی اضافہ کر دیا گیا، مٹی کا تیل130  روپے 8پیسے فی لیٹر مہنگا ہونے سے نئی قیمت318  روپے 81پیسےفی لیٹر ہوگئی۔

وفاقی حکومت نے پیٹرول اور ڈیزل کی قیمتوں میں ہوش ربا اضافے کے بعد مٹی کے تیل اور لائٹ ڈیزل کی قیمتوں میں بھی بھاری اضافے کا نوٹیفکیشن جاری کر دیا ہے۔

حکومت نے مٹی کے تیل کی قیمت میں 130 روپے 8 پیسے فی لیٹر کا بڑا اضافہ کیا جس کے بعد اس کی نئی قیمت 318 روپے 81 پیسے فی لیٹر مقرر کر دی گئی ہے۔

یہ بھی پڑھیں : مشرقِ وسطیٰ میں بڑھتی کشیدگی، خام تیل کی قیمتیں بلند ترین سطح پر پہنچ گئیں

لائٹ ڈیزل کی قیمت میں بھی 67 روپے 82 پیسے فی لیٹر اضافہ کیا گیا ہے، جس سے اس کی نئی قیمت 235 روپے 1 پیسے فی لیٹر تک پہنچ گئی ہے۔

مٹی کے تیل پر 20 روپے 36 پیسے فی لیٹر پیٹرولیم لیوی بھی عائد ہے جبکہ لائٹ ڈیزل پر اس وقت 15 روپے 84 پیسے فی لیٹر لیوی وصول کی جا رہی ہے۔

یہ بھی پڑھیں : فضائی بحران، متحدہ عرب امارات نے مسافروں کو بڑی سہولت دیدی

یاد رہے کہ حکومت نے گزشتہ رات ہی پیٹرول اور ڈیزل کی قیمتوں میں 55 روپے فی لٹر کا اضافہ کیا تھا، جس کے بعد اب دیگر پیٹرولیم مصنوعات کی قیمتیں بھی بڑھا دی گئی ہیں ۔