انڈونیشیا میں مسافر بس حادثے کا شکار، 16 افراد جاں بحق

انڈونیشیا کے صوبے جاوا میں ایک مسافر بس حادثے کے نتیجے میں کم از کم 16 افراد جاں بحق اور19 زخمی ہو گئے ہیں۔

غیرملکی میڈیا رپورٹس کے مطابق یہ حادثہ ہائی وے پر پیش آیا، جب بس اپنی تیز رفتار کے باعث ٹول پلازے سے ٹکرا گئی۔

رپورٹس کے مطابق بس میں کل 34 افراد سوار تھے، جن میں مسافر اور عملہ بھی شامل تھے، حادثے کے بعد فوری طور پر ریسکیو ٹیمیں موقع پر پہنچ گئیں اور زخمیوں کو قریبی اسپتال منتقل کیا گیا،  زخمیوں میں سے پانچ کی حالت تشویشناک بتائی گئی ہے، جنہیں خصوصی نگہداشت میں رکھا گیا ہے۔

🔴 Passenger bus crash in Indonesia kills at least 16 people, official says

A passenger bus crash killed at least 16 people on Indonesia’s main island of Java just after midnight Monday, officials said.

The bus carrying 34 people lost control on a toll road and struck a… pic.twitter.com/ikkIzzohPp

— News.Az (@news_az) December 22, 2025

ریسکیو حکام نے بتایا کہ بس کی تیز رفتاری اور ڈرائیور کے ممکنہ لاپرواہ رویے کو ابتدائی تحقیقات میں حادثے کی بنیادی وجہ قرار دیا جا رہا ہے۔

یہ بھی پڑھیں:سڈنی واقعہ: آسٹریلوی حکام نے چار بھارتی شہریوں سمیت پانچ مشتبہ افراد گرفتار کر لیا

انڈونیشیا میں سڑکوں پر تیز رفتار بسوں کے حادثات عام ہیں،  مقامی پولیس اور ٹریفک حکام مزید تحقیقات کر رہے ہیں تاکہ حادثے کی مکمل وجوہات سامنے آ سکیں اور مستقبل میں ایسے واقعات سے بچا جا سکے۔