ڈس انفارمیشن یا غلط معلومات موجودہ دور کا سب سے بڑا خطرہ ہے، عطا تارڑ

وزیر اطلاعات عطا تارڑ نے کہا ہے کہ موجودہ دور کا سب سے بڑا خطرہ جنگ نہیں بلکہ ڈس انفارمیشن یا غلط معلومات کا پھیلاؤ ہے۔

اسلام آباد میں پاک چائنا میڈیا فورم سے خطاب میں انہوں نے کہا کہ پاک، بھارت جنگ کے دوران بھارت کی جانب سے ڈس انفارمیشن پھیلائی گئی، پاکستانی فوج اور ملکی میڈیا نے ذمہ دارانہ کردار ادا کرتے ہوئے بیانیے کی جنگ جیتی۔

وفاقی وزیراطلاعات عطاء اللہ تارڑ نے کہا ہے کہ پاک چین دوستی تاریخی، مثالی اور وقت کی کسوٹی  پر کھری ثابت ہوئی ہے اور دونوں قوموں کے لیے باعث فخر ہے۔

عطا تارڑ کا کہنا تھا کہ سی پیک اور پاک چین تعلقات کے خلاف بھی جھوٹی خبریں ایک بڑا چیلنج ہے، سی پیک گیم چینجر منصوبہ ہے، مکمل حقائق جانے بغیر سی پیک کے خلاف منفی پروپیگنڈا کیا جارہا ہے۔

یہ بھی پڑھیں : ملکی معیشت میں ایک اور سنگ میل، پاکستان کے زرمبادلہ ذخائر مارچ 2022 کے بعد بلند ترین سطح پر پہنچ گئے

انہوں نے کہا کہ ہم پاکستان کی آواز کو دنیا تک موثر انداز میں پہنچائیں گے اور عالمی سطح پر پاکستان کے موقف کو موثر انداز میں پیش کرنے کے لیے ڈیجیٹل پاکستان ٹی وی کا آغاز کیا گیا ہے اور یہ کلیدی کردار ادا کرے گا۔

انہوں نے کہا کہ پاکستان اور چین کے درمیان مشترکہ میڈیا ریپڈ رسپانس نظام تشکیل دیا جانا چاہیے، فیک نیوز کی نشاندہی کے لیے خصوصی فیکٹ چیک پلیٹ فارم قائم کرنے کی تجویز ہے۔

مزید پڑھیں:فیلڈ مارشل سید عاصم منیر کی کامیاب سفارت کاری نے پاکستان کو بلندیوں پر پہنچا دیا، واشنگٹن پوسٹ

عطا تارڑ نے مزید کہا کہ پاکستان واحد ملک ہے جو چین کے ساتھ آئرن برادر کا تعلق رکھتا ہے، چین میں لوگ اردو اور پاکستان میں لوگ چینی زبان سیکھ رہے ہیں۔