گووندا کی اہلیہ کاجائیدادکی وراثت سے متعلق دلچسپ انکشاف سامنے آگیا

بالی ووڈ کے معروف اداکار گووندا کی اہلیہ سنیتا آہوجا نے اپنی جائیداد سے متعلق ایک غیر معمولی اور دلچسپ بات کہہ کر سب کی توجہ حاصل کر لی۔

58 سالہ سنیتا آہوجا، جو گووندا کے ساتھ تقریباً 39 سال سے شادی کے بندھن میں ہیں، ممبئی ایئرپورٹ پر اپنے پالتو کتے کے ہمراہ میڈیا سے گفتگو کر رہی تھیں۔

یہ بھی پڑھیں:ملینیل یا جنریشن ایکس؟ ندا یاسر صارفین کی تنقید کی زد میں

اس دوران ہلکے پھلکے انداز میں انہوں نے کہا کہ وہ اپنی تمام جائیداد اپنے پالتو کتے کے نام کرنے پر غور کر رہی ہیں۔ ان کے اس بیان نے وہاں موجود لوگوں کو حیران بھی کیا اور مسکرا کر سوچنے پر بھی مجبور کر دیا۔

گفتگو کے دوران جب کامیڈین کرشنا ابھیشیک کا ذکر آیا تو سنیتا آہوجا نے مثبت انداز میں بات کرتے ہوئے کہا کہ وہ پہلے ہی کامیاب ہیں اور مستقبل میں مزید ترقی کریں گے۔ انہوں نے کرشنا کو اپنے بیٹے جیسا قرار دیتے ہوئے نیک خواہشات بھی دیں۔

یہ بھی پڑھیں :شکیرا اور ورلڈ کپ کا انوکھا رشتہ، واکا واکا سے 2026 تک جذباتی سفر

اس موقع پر سنیتا آہوجا خوشگوار موڈ میں نظر آئیں اور میڈیا سے بات کرنے کے بعد اپنے پالتو کتے کو گاڑی کی فرنٹ سیٹ پر بٹھاتے ہوئے بھی دکھائی دیں۔

واضح رہے کہ حالیہ دنوں میں گووندا اور سنیتا آہوجا کے درمیان ممکنہ اختلافات اور طلاق کی افواہیں بھی زیرِ گردش رہی ہیں، تاہم بھارتی میڈیا کے مطابق ان کے اس بیان کو کسی قانونی اعلان کے طور پر نہیں لیا جا رہا۔