ویریزون نے حالیہ بڑے پیمانے پر سروس معطلی کے دوران متاثر ہونے والے صارفین کے لیے 20 ڈالر کا آؤٹیج کریڈٹ دینے کا اعلان کیا ہے، جس سے ملک بھر میں ہزاروں صارفین متاثر ہوئے تھے۔
کمپنی نے تصدیق کی ہے کہ یہ کریڈٹ بتدریج جاری کیا جا رہا ہے، اس لیے تمام صارفین کو فوری طور پر اپنے اکاؤنٹس میں نظر نہیں آئے گا۔
ویریزون کے مطابق جب آپ کا 20 ڈالر کا کریڈٹ ریڈیم کرنے کے لیے تیار ہوگا تو صارفین کو ٹیکسٹ میسج کے ذریعے اطلاع دی جائے گی، کریڈٹ حاصل کرنے کے لیے صارفین کو ’مائی ویریزون‘ ایپ میں لاگ ان کرنے یا اپنے آن لائن اکاؤنٹ تک رسائی حاصل کرنے کی ہدایت کی گئی ہے۔
تاہم کئی صارفین نے شکایت کی کہ کریڈٹ لاگ ان کرنے کے باوجود ان کے اکاؤنٹس میں ظاہر نہیں ہوتا۔ ویریزون صارفین کو مشورہ دیتا ہے کہ کریڈٹ کی باقاعدہ اطلاع کا انتظار کریں، اس سے پہلے کہ اسے ریڈیم کرنے کی کوشش کریں، کچھ صارفین نے بتایا ’مائی ویریزون ‘ ایپ کو وقفے وقفے سے چیک کرنے سے کریڈٹ نظر آ سکتا ہے، کیونکہ اکاؤنٹ اپ ڈیٹ ہونے کے بعد یہ ظاہر ہوتا ہے۔
اگر کریڈٹ پھر بھی نظر نہ آئے، تو ویریزون صارفین کو براہِ راست سپورٹ سے رابطہ کرنے کا کہتا ہے۔ کئی صارفین نے ریڈٹ پر بتایا کہ ویب سائٹ کے ذریعے چیٹ سیشن شروع کرنے یا کسٹمر سپورٹ کو کال کرنے سے نمائندوں نے کریڈٹ دستی طور پر ان کے اکاؤنٹس میں شامل کر دیا۔
ویریزون نے متاثرہ صارفین سے کہا ہے کہ وہ ان مراحل پر عمل کریں تاکہ 20 ڈالر کا آؤٹیج کریڈٹ وصول کر سکیں۔
By 
