اٹلی کا پاکستانی طلبا کے لیے بڑا اعلان،ہر ماہ نو سو یورو وظیفہ اور یونیورسٹی کی فیس میں مکمل چھوٹ

اٹلی نے پاکستانی طلبا کے لیے مکمل مالی معاونت کے ساتھ اسکالرشپ کا اعلان کر دیا ہے جس کے تحت ہر ماہ نو سو یورو وظیفہ دیا جائے گا

پاکستانی طلبا اب اٹلی کے وزارت خارجہ اور بین الاقوامی تعاون کی اسکالرشپ کے لیے درخواست دے سکتے ہیں یہ اسکالرشپ دو ہزار چھبیس سے دو ہزار ستائیس کے تعلیمی سال کے لیے ہے اور اعلی تعلیم کے خواہشمند طلبا کو مکمل مالی تعاون کے ساتھ تعلیم کے مواقع فراہم کرتی ہے

یہ بھی پڑھیں:وفاقی وزیر داخلہ محسن نقوی نے اوورسیز پاکستانیوں کو بڑی خوشخبری سنا دی

اٹلی نے اس اسکالرشپ پروگرام کو بین الاقوامی تعلیمی تعاون کو فروغ دینے اور اٹالوی زبان اور ثقافت کے مطالعے کی حمایت کے لیے شروع کیا ہے اس اسکالرشپ کے تحت کامیاب امیدوار اٹلی کی معروف یونیورسٹیوں میں داخلہ لے سکتے ہیں جن میں یونیورسٹی آف بولونیا، ساپینزا یونیورسٹی آف روم اور پولی ٹیکنیکو دی میلان شامل ہیں

اس اسکالرشپ میں ماہانہ نو سو یورو وظیفہ پبلک یونیورسٹیوں میں ٹویشن فیس اور داخلہ فیس کی مکمل چھوٹ چھوٹی مقامی فیس کے علاوہ اور صحت اور حادثات کے لیے بیمہ شامل ہے

اسکالرشپ تین چھ یا نو ماہ کے لیے دی جاتی ہے جبکہ لمبے دورانیے کے ڈگری پروگراموں کے لیے تجدید کے اختیارات بھی موجود ہیں

یہ اسکالرشپ پروگرام نہ صرف پاکستانی طلبا کو اٹلی میں اعلی معیار کی تعلیم حاصل کرنے کا موقع دیتا ہے بلکہ اٹالوی ثقافت اور زبان کے مطالعے کے ذریعے طلبا کے بین الاقوامی تجربے کو بھی بڑھاتا ہے درخواستیں دینے کے لیے امیدواروں کو وزارت خارجہ کی سرکاری ویب سائٹ اور متعلقہ یونیورسٹیوں کے پورٹل پر جانا ہوگا