عوام کیلیے برُی خبر، بجلی مہنگی ہو گئی

نیپرا نے بجلی 28 پیسے فی یونٹ مہنگی کرنے کا نوٹیفکیشن جاری کر دیا ہے۔ یہ اضافہ دسمبر کی فیول پرائس ایڈجسٹمنٹ کے تحت کیا گیا ہے اور فروری کے بلوں میں وصول کیا جائے گا۔

اضافے کا اطلاق ملک بھر کے تمام صارفین پر ہوگا، جس میں کے الیکٹرک کے صارفین بھی شامل ہیں، تاہم لائف لائن صارفین اور الیکٹرک وہیکل چارجنگ اسٹیشنز اس سے مستثنیٰ ہوں گے۔

سینٹرل پاور پرچیزنگ ایجنسی (CPPA) نے نیپرا میں ماہانہ فیول پرائس ایڈجسٹمنٹ کی مد میں 48 پیسے فی یونٹ بجلی مہنگی کرنے کی درخواست دی تھی۔ سی پی پی اے کے مطابق دسمبر میں 8 ارب 48 کروڑ 70 لاکھ یونٹس بجلی پیدا کی گئی جبکہ ڈسکوز کو 8 ارب 20 کروڑ 80 لاکھ یونٹس فراہم کی گئی۔ دسمبر میں بجلی کی فی یونٹ لاگت 9.62 روپے رہی۔

یہ بھی پڑھیں: پاکستان میں پہلی قومی کوانٹم کمپیوٹنگ ہیکاتھون کا آغاز، چیئرمین پی اے ای سی نے افتتاح کیا

سی پی پی اے نے مزید بتایا کہ دسمبر میں بجلی کی پیداوار میں حصہ درج ذیل رہا:

ہائیڈل: 18.07 فیصد
مقامی کوئلہ: 13.99 فیصد
درآمدی کوئلہ: 10.13 فیصد
قدرتی گیس: 11.20 فیصد
درآمدی گیس: 17.24 فیصد
نیوکلیئر: 25.05 فیصد
یہ اضافہ صارفین پر اثر ڈالے گا اور بجلی کے بلوں میں اضافہ فروری سے براہِ راست محسوس ہوگا۔