By انسداد دہشت گردی عدالت میں ایمان مزاری کے خلاف درج دہشت گردی کے مقدمے میں جوڈیشل ریمانڈ سے متعلق سماعت 19 فروری تک ملتوی کر دی گئی ہے۔ عدالت میں جوڈیشل ریمانڈ مکمل ہونے کے باوجود ایمان مزاری کو پیش نہیں کیا گیا، جس پر عدالت نے آئندہ سماعت کے لیے اہم ہدایات جاری کیں۔
مقدمے کی سماعت انسداد دہشت گردی عدالت کے جج ابوالحسنات محمد ذوالقرنین نے کی۔ پولیس حکام نے مؤقف اختیار کیا کہ سیکیورٹی خدشات کے باعث ایمان مزاری اور ہادی علی چٹھہ کو عدالت میں پیش نہیں کیا جا سکا۔ پولیس کی جانب سے عدالت کو آگاہ کیا گیا کہ موجودہ حالات کے پیش نظر ملزمان کو عدالت لانا ممکن نہیں تھا۔
یہ بھی پڑھیںاسلام آبادہائیکورٹ سے فیض حمید کے بھائی نجف حمید کو بڑا ریلیف
عدالت نے پولیس کے مؤقف کا جائزہ لینے کے بعد حکم دیا کہ ایمان مزاری کو آئندہ سماعت پر بذریعہ ویڈیو لنک عدالت میں پیش کیا جائے تاکہ عدالتی کارروائی آگے بڑھائی جا سکے۔ عدالت نے واضح کیا کہ ملزمان کی پیشی قانونی تقاضوں کے مطابق یقینی بنائی جائے۔
عدالتی ریکارڈ کے مطابق ایمان مزاری اور دیگر افراد کے خلاف پولیس کے ساتھ لڑائی جھگڑے اور تشدد کے الزامات کے تحت مقدمہ درج ہے۔ عدالت نے ایمان مزاری اور ہادی علی چٹھہ کے جوڈیشل ریمانڈ سے متعلق سماعت 19 فروری تک ملتوی کرتے ہوئے پولیس کو آئندہ سماعت پر مکمل تیاری کے ساتھ پیش ہونے کی ہدایت کی ہے۔
یہ بھی پڑھیں:عمران خان کی میڈیکل رپورٹ سامنے آگئی
عدالت کی جانب سے کیس میں آئندہ پیش رفت کا انحصار آئندہ سماعت پر ملزمان کی ویڈیو لنک کے ذریعے پیشی اور پولیس کی رپورٹ پر ہوگا، جس کے بعد جوڈیشل ریمانڈ اور دیگر قانونی پہلوؤں پر فیصلہ متوقع ہے
