فتنہ فساد کے کلچر کو لوگوں نے مسترد کردیا ،مریم نواز

وزیر اعلیٰ پنجاب مریم نواز نے بسنت فیسٹیول کے حوالے سے تقریب سے خطاب کرتے ہوئے کہا ہے کہ فتنہ فساد کے کلچر کو لوگوں نے مسترد کردیا،پنجاب میں زیرو ہڑتال، زیر و پہیہ جام ، زیرو شٹر ڈائون تھا ، انہوں نے کہا کہ پی ٹی آئی کی عیاری نہیں چلی،پنجاب والوں نے ہڑتا ل کی کال کو مکمل طور پر مسترد کردیا ۔

ارب پتیوں کی کال غریب عوام کو نقصان پہنچانے کے لیے تھی،ارب پتیوں نے یومیہ اجرت کمانے والوں کو ہڑتال کی کال دی، ملک بھر کے عوام بسنت منانے کے لیے لاہور آئے ،پنجاب میں کسی بھی جگہ ہڑتال نہیں ہوئی ،عوام نے منفی رویوں اور گالم گلوچ کومسترد کردیا، انتشاری اورفسادی ٹولے کی ہڑتال کو مکمل ناکام بنا دیا گیا۔

یہ بھی پڑھیں :پنجاب حکومت کا بسنت کے متعلق اہم فیصلہ، مزید 4اضلاع کیلئے بڑا حکم جاری

میری عمر 52سال ہوگئی پہلی دفعہ دیکھا کہ قانون اس طرح پاسداری کی گئی،ٹریفک پولیس نے بہترین طریقے سے فرائض انجام دئیے ،ہیلتھ کے شعبے کو خراج تحسین پیش کرتی ہوں ، لیسکو،داخلہ اموراور تمام محکموں نے اپنی ذمہ داری بخوبی نبھائی سب کو خراج تحسین پیش کرتی ہوں ۔

پولیس میں اصلاحات کرنے جارہے ہیں،انہوں نے کہا کہ پی ٹی آئی کی عیاری نہیں چلی اور لوگوں نے بھر پور طریقے سے بسنت منائی ،اپنی مفادات کے لیے کال دینے والوں کو منہ کی کھانا پڑی۔