پاکستان اور بھارت ٹی 20 عالمی کپ میچ نے کولمبو میں کرکٹ کے شائقین میں جوش و خروش میں بے پناہ اضافہ کر دیا ہے۔ آر پریماداسا سٹیڈیم کی 35 ہزار نشستیں میچ سے پہلے ہی فروخت ہو چکی ہیں، جس سے اس شہر میں کرکٹ کا جنون عروج پر پہنچ گیا ہے۔
مقامی میڈیا کے مطابق شائقین کی غیر معمولی دلچسپی کے باعث ٹکٹ بلیک مارکیٹ میں بھی دستیاب ہو گئے ہیں، جہاں کچھ ٹکٹ اصل قیمت سے 3 سے 4 گنا زیادہ نرخوں پر فروخت ہو رہے ہیں۔ اسٹیڈیم کے اطراف بھی شائقین کا رش دیکھنے میں آ رہا ہے۔
میچ کے منتظمین کا کہنا ہے کہ پاک، بھارت مقابلہ عالمی کرکٹ کے سب سے بڑے مقابلوں میں شمار ہوتا ہے، جس کے باعث نہ صرف سری لنکا بلکہ دنیا بھر سے شائقین کولمبو پہنچ رہے ہیں۔ شہر میں ہوٹلوں کی بکنگ، ریستوران، شاپنگ مالز اور مقامی مارکیٹس میں بھی غیر معمولی اضافہ دیکھنے میں آ رہا ہے۔
واضح رہے کہ ایسے بڑے مقابلے خطے میں کرکٹ کی مقبولیت کو مزید مضبوط کرتے ہیں اور کھیل کے ذریعے مثبت ماحول اور شائقین کے درمیان تعلقات کو فروغ دیتے ہیں۔ اس کے نتیجے میں عالمی سطح پر کرکٹ کی مقبولیت میں مزید اضافہ متوقع ہے اور نوجوان کھلاڑیوں کے لیے بھی ترغیب کا باعث بنتا ہے۔
By 
