By ایپل واچ سیریز 11 آئی فون صارفین کے لیے بہترین اسمارٹ واچ سمجھی جاتی ہے اور اس کی بنیادی قیمت عام طور پر 399ڈالر (ایم ایس آر پی) اور سیل 299 ڈالر کے درمیان رہتی ہےمگر اس وقت یہ دوبارہ اپنے کم ترین قیمت یعنی 299ڈالر پر دستیاب ہے۔ اس لیے اگر آپ نیا ایپل واچ لینے کا سوچ رہے ہیں تو یہ بہترین موقع ہو سکتا ہے۔
یہ بھی پڑھیں:ایک صدی تک چلنے والی بیٹری متعارف، ٹیکنالوجی میں بڑا دعویٰ
یہ سیل خاص طور پر 42 ملی میٹر جی پی ایس والے ماڈل پر ہے۔ اگر آپ سیلولر کنیکٹیویٹی یا بڑا 46 ملی میٹر کیس چاہتے ہیں تو اس کی قیمت تھوڑی زیادہ ہوگی۔ تاہم مختلف رنگوں اور سائز کے تقریباً تمام آپشنز پر رعایت دی جا رہی ہے۔ دستیاب فِنشز میں گولڈ، نیچرل اور سلیٹ ٹائٹینیم کے ساتھ ساتھ ایلومینیم میں روز گولڈ، سلور، اسپیس گرے اور جیٹ بلیک شامل ہیں۔
ایپل واچ سیریز 11 کی سب سے بڑی بہتری اس کی بیٹری ہےجو اب کم از کم 24 گھنٹے چل سکتی ہے۔ یعنی آپ اسے پورا دن پہن سکتے ہیں جم میں بھی اور سوتے وقت بھی۔ اس سے اس کی فٹنس ٹریکنگ کی تمام سہولتوں سے بہتر فائدہ اٹھایا جا سکتا ہے۔
یہ بھی پڑھیں:ایپل میں بڑی تبدیلی،جان ٹرنس نئے سی ای او مقرر
فٹنس اور ورزش کے عام ڈیٹا کے علاوہ اس میں اےآئی پر مبنی ’ورک آوٹ‘ فیچر بھی شامل ہے۔ یہ واچ ہائی بلڈ پریشر کی علامات کی نگرانی کر سکتی ہے اور خون میں آکسیجن لیول بھی ٹریک کرتی ہے۔ اس کے سیلولر ماڈلز میں فال ڈیٹکشن اور سیٹلائٹ میسجنگ جیسی جدید سہولتیں بھی موجود ہیں۔
مجموعی طور پر اگرچہ نئی ٹیکنالوجی ہمیشہ ضروری نہیں ہوتی لیکن اس ماڈل میں پچھلے ورژن کے مقابلے میں ایسے نمایاں بہتریاں ہیں جو روزمرہ زندگی میں واضح فرق ڈالتی ہیں۔ اگر آپ کے پاس پرانا ماڈل ہے یا آپ پہلی بار اسمارٹ واچ خریدنے جا رہے ہیں تو یہ خاص طور پر اس رعایتی قیمت پر ایک مضبوط انتخاب ہے۔
