By برطانیہ کے سابق وزیر اور معروف سیاست دان زیک گولڈ اسمتھ نے مشرقِ وسطیٰ میں جاری حالیہ کشیدگی اور ایران پر اسرائیلی حملوں کے حق میں کھل کر بیان جاری کیا جس نے سفارتی اور سیاسی حلقوں میں ایک نئی بحث چھیڑ دی ہے۔
تفصیلات لے مطابق زیک گولڈ اسمتھ نے سماجی رابطے کی ویب سائٹ پر اپنے خیالات کا اظہار کرتے ہوئے اسرائیل کی فوجی کارروائیوں کا دفاع کیا اور اسے خطے میں “دہشت گردی کے خاتمے” اور “اپنے دفاع کے حق” سے تعبیر کیا۔
ان کا کہنا تھا کہ اسرائیل کو اپنی بقا کے لیے خطرات کو جڑ سے اکھاڑنے کا پورا حق حاصل ہے، اور ایران کی جانب سے کی جانے والی حالیہ کارروائیاں عالمی امن کے لیے خطرہ ہیں۔ بعض حلقوں کا ماننا ہے کہ ایران کے ‘آپریشن وعدہ صادق 4’ کے بعد اسرائیل کا ردِعمل ناگزیر تھا۔
انسانی حقوق کی تنظیموں اور کئی سیاسی رہنماؤں نے اس بیان کو “جانبدارانہ” قرار دیتے ہوئے کہا ہے کہ اس طرح کے بیانات سے خطے میں جاری آگ مزید بھڑک سکتی ہے اور سفارتی حل کی کوششوں کو نقصان پہنچ سکتا ہے۔
یہ بیان ایک ایسے وقت میں سامنے آیا ہے جب برطانیہ کی موجودہ حکومت مشرقِ وسطیٰ میں فوری جنگ بندی اور کشیدگی میں کمی (De-escalation) پر زور دے رہی ہے۔ ماہرین کا کہنا ہے کہ زیک گولڈ اسمتھ کا یہ انفرادی موقف برطانوی حکومت کی سرکاری پالیسی سے مختلف ہو سکتا ہے، تاہم اس نے بین الاقوامی میڈیا کی توجہ حاصل کر لی ہے۔
مزید پڑھیں: ایران کا ایک بار پھر اسرائیل پر بیلسٹک میزائل سے حملہ، عمارتوں میں آگ بھڑک اُٹھی
