By امریکی صدر ڈونلڈ ٹرمپ نے دعویٰ کیا ہے کہ ایران کی ملٹری اور سیاسی قیادت کو ختم کر دیا گیا ہے اور ایران کی طاقتور فورس پاسدارانِ انقلاب ہتھیار ڈال دے۔
تفصیلات کے مطابق ٹرمپ کا کہنا تھا کہ خطے میں حالیہ کارروائیوں کا مقصد ایران کی عسکری صلاحیت کو غیر مؤثر بنانا تھا۔ انہوں نے پاسدارانِ انقلاب کو متنبہ کرتے ہوئے کہا کہ مزید مزاحمت خطے میں صورتحال کو مزید خراب کر سکتی ہے۔
دوسری جانب ایران کی جانب سے فوری طور پر اس بیان پر کوئی باضابطہ ردعمل سامنے نہیں آیا، تاہم تجزیہ کاروں کا کہنا ہے کہ ایسے بیانات خطے میں کشیدگی کو مزید بڑھا سکتے ہیں۔ ماہرین کے مطابق اگر صورتحال قابو میں نہ آئی تو مشرقِ وسطیٰ میں جاری تناؤ عالمی سلامتی اور معیشت دونوں کے لیے خطرناک ثابت ہو سکتا ہے۔
امریکی صدر کے مطابق حالیہ کارروائیوں کا مقصد ایران کی عسکری صلاحیت کو مکمل طور پر غیر مؤثر بنانا تھا۔ ان کا کہنا تھا کہ ایران ایک بڑا اور مضبوط ملک ہے، لیکن جنگ کے بعد وہاں جمہوریت کے قیام اور مثبت تبدیلیوں کی راہ ہموار ہوگی۔
ٹرمپ نے مزید دعویٰ کیا کہ انہوں نے خطے کے اہم اتحادی ممالک، بشمول سعودی عرب، بحرین، یو اے ا ی کی قیادت سے رابطہ کیا ہے اور موجودہ صورتحال پر تبادلہ خیال کیا ہے۔
دوسری جانب ایران کی طرف سے ان بیانات پر باضابطہ ردعمل سامنے نہیں آیا۔ تجزیہ کاروں کے مطابق اگر ان دعوؤں کی تصدیق ہوتی ہے تو اس کے خطے اور عالمی سیاست پر گہرے اثرات مرتب ہو سکتے ہیں، جبکہ عالمی برادری کی نظریں ممکنہ سفارتی پیش رفت پر مرکوز ہیں۔
مزید پڑھیں: ایران کی جانب سے آبنائے ہرمز کی بندش، عالمی معیشت کو شدید دھچکا
