پولیس، انتظامیہ کو ہدایت کردی پرامن مظاہرین کے احساسات کو سمجھیں، مریم نواز

وزیراعلیٰ پنجاب مریم نواز شریف نے پولیس اور ضلعی انتظامیہ کو ہدایت کی ہے کہ مظاہرین کے جذبات اور احساسات کو سمجھتے ہوئے ان کے ساتھ مکمل عزت و احترام کا برتاؤ کیا جائے۔

انہوں نے اس بات پر زور دیا کہ موجودہ حالات میں برداشت، صبر اور ذمہ داری کا مظاہرہ کرنا وقت کی اہم ضرورت ہے۔
سماجی رابطے کی ویب سائٹ ایکس  پر اپنے پیغام میں وزیراعلیٰ نے کہا کہ انہوں نے متعلقہ حکام کو واضح ہدایات جاری کی ہیں کہ مظاہرین کے ساتھ نرم اور مہذب

میں نے پولیس اور انتظامیہ کو ہدایت کی ہے کہ مظاہرین کے احساسات کو سمجھا جائے اور ان کے ساتھ عزت و احترام کے ساتھ پیش آیا جائے۔ مظاہرین کے لیے افطار کا بندوبست کیا جا رہا ہے۔ ہر مسلمان اس وقت دکھی اور اشکبار ہے مگر اپنے ملک، اپنے شہروں میں امن و امان قائم رکھنا بھی ہم سب کا اولین…

— Maryam Nawaz Sharif (@MaryamNSharif) March 1, 2026

رویہ اختیار کیا جائے۔

ان کا کہنا تھا کہ شہریوں کو اپنے جذبات کے اظہار کا حق حاصل ہے، تاہم قانون کی پاسداری اور امن و امان کو برقرار رکھنا بھی نہایت ضروری ہے۔
مریم نواز شریف نے مزید کہا کہ انتظامیہ کی ذمہ داری ہے کہ وہ صورتحال کو تحمل اور دانشمندی سے سنبھالے انہوں نے اعلان کیا کہ مظاہرین کے لیے افطار کا باقاعدہ بندوبست کیا جا رہا ہے تاکہ روزہ دار شرکاء کو کسی قسم کی دشواری کا سامنا نہ ہو۔ ان کا کہنا تھا کہ یہ اقدام باہمی احترام اور یکجہتی کے اظہار کے طور پر کیا جا رہا ہے۔

وزیراعلیٰ پنجاب نے اپنے پیغام میں کہا کہ ہر مسلمان اس وقت رنجیدہ اور اشکبار ہے، لیکن اس نازک گھڑی میں اپنے ملک اور اپنے شہروں میں امن قائم رکھنا ہم سب کی اولین ذمہ داری ہے۔انہوں نے اس عزم کا اعادہ کیا کہ حکومت شہریوں کے جذبات کا احترام کرتی ہے اور قانون کے دائرے میں رہتے ہوئے ہر ممکن سہولت فراہم کرے گی۔