کویت میں امریکی جنگی طیارہ ایف 15 گرکر تباہ

کویت میں ایک امریکی جنگی طیارہ ایف 15 گرکر تباہ ہو گیا، تاہم پائلٹ محفوظ رہا۔

روسی میڈیا کے مطابق طیارہ گرنے کی امریکا اور کویت کی جانب سے تصدیق نہیں کی گئی۔

وائرل ویڈیو میں امریکی ایف 15 ای اسٹرائیک ایگل جنگی طیارے کو شعلوں کے ساتھ نیچے کی جانب گھومتے ہوئے گرتے دیکھا جا سکتا ہے، دو انجنوں والے لڑاکا طیارے کو تیزی سے زمین کی جانب اترتے دیکھا جا سکتا ہے جبکہ اس کے ایک انجن سے آگ کے شعلے نکل رہے ہوتے ہیں،  طیارہ دیکھتے ہی دیکھتے نیچے گرتا ہے اور منظر سے غائب ہو جاتا ہے۔

⚡️🚨 BREAKING: American warplane crashes over Kuwait pic.twitter.com/FoyCUv1MpQ

— Iran Military (@Voiceforfreefom) March 2, 2026

امریکی ایف 15 کا پائلٹ چھلانگ لگانے میں کامیاب رہا، پائلٹ کو زخمی حالت میں اسپتال منتقل کر دیا گیا۔

🚨🚨امریکی جنگی طیارہ کویت میں گر کر تباہ ۔۔ پائلٹ نے پیراشوٹ سے چھلانگ لگا دی pic.twitter.com/tvk59NfWH4

— Azaad Urdu (@azaad_urdu) March 2, 2026

ایف 15 ای اسٹرائیک ایگل ایک دوہری صلاحیت کا حامل لڑاکا طیارہ ہے جو فضاء سے فضاء اور گہرے حملوں دونوں کے لیے استعمال ہوتا ہے۔ یہ جدید آلات، بیک وقت متعدد اہداف کو نشانہ بنانے کی صلاحیت اور مختلف اقسام کے ہتھیار لے جانے کی صلاحیت رکھتا ہے۔

واقعے کی سرکاری طور پر فوری تصدیق امریکی یا کویتی حکام کی جانب سے نہیں کی گئی۔

یہ بھی پڑھیں :ایران پر حملے کے بعد امریکی صدر ٹرمپ کی مقبولیت میں کمی آگئی ، سروے

بعض ذرائع کا کہنا ہے کہ طیارہ امریکی تھا جبکہ کچھ اطلاعات میں اسرائیلی طیارے کا بھی امکان ظاہر کیا گیا، تاہم اس حوالے سے آزادانہ طور پر تصدیق نہیں ہو سکی۔

غیر مصدقہ اطلاعات کے مطابق یہ واقعہ ممکنہ طور پر ’فرینڈلی فائر‘ کا نتیجہ ہو سکتا ہے جس میں امریکی فضائیہ کا طیارہ نشانہ بنا،  تاہم امریکی سینٹرل کمانڈ یا پینٹاگون کی جانب سے تاحال کوئی باضابطہ بیان جاری نہیں کیا گیا۔

واضح رہے کہ کویت میں صبح سے اب تک تیسری بار سائرن بج رہے ہیں، کچھ دیر پہلے کویت نے ایرانی ڈرون تباہ کرنے کا دعویٰ کیا تھا۔