آزاد کشمیر میں عوام کا پاک فوج کی فتوحات پر جشن اور بھرپور یکجہتی کا اظہار

پاک افغان سرحد پر جاری “آپریشن غضب للحق” میں پاک فوج کی تاریخی کامیابیوں اور دشمن کوپسپا کرنے پر کشمیری عوام میں خوشی کی لہر دوڑ گئی ہے۔

تفصیلات کے مطابق لائن آف کنٹرول کے دونوں اطراف، آزاد جموں و کشمیر اور مقبوضہ وادی کے مختلف علاقوں میں ہزاروں کی تعداد میں کشمیری عوام سڑکوں پر نکل آئے ہیں تاکہ اپنی محسن افواج کے ساتھ غیر متزلزل یکجہتی کا اظہار کر سکیں۔

مظاہرین نے ہاتھوں میں پاکستان کے سبز ہلالی پرچم اور پاک فوج کے سربراہ کی تصاویر اٹھا رکھی تھیں، جبکہ فضا “پاکستان زندہ باد” اور “پاک فوج قدم بڑھاؤ، ہم تمہارے ساتھ ہیں” کے فلک شگاف نعروں سے گونجتی رہی۔ عوامی اجتماعات سے خطاب کرتے ہوئے کشمیری رہنماؤں نے کہا کہ پاک فوج کی سرحدوں پر یہ جرات مندانہ کارروائی نہ صرف پاکستان بلکہ پورے خطے کے استحکام کے لیے ضروری ہے۔

کشمیر کے گلی کوچوں میں نوجوانوں نے مٹھائیاں تقسیم کیں اور ڈھول کی تھاپ پر رقص کر کے پاک فوج کی پیشہ ورانہ مہارت کو خراجِ تحسین پیش کیا۔ مظاہرین کا کہنا تھا کہ کشمیری عوام پاک فوج کو اپنی بقا اور آزادی کی ضمانت سمجھتے ہیں اور کسی بھی بیرونی جارحیت کی صورت میں وہ اپنے فوجی بھائیوں کے ساتھ کندھے سے کندھا ملا کر لڑنے کے لیے تیار ہیں۔

سوشل میڈیا پر وادیِ کشمیر سے آنے والی تصاویر اور ویڈیوز نے عالمی سطح پر یہ پیغام پہنچا دیا ہے کہ پاک فوج اور کشمیری عوام کے درمیان محبت کا رشتہ جغرافیائی سرحدوں سے بالاتر اور ناقابلِ شکست ہے۔

مزید پڑھیں: ’اب کوئی رعایت نہیں‘، دہشتگرد جہاں بھی ہوں گے نشانہ بنیں گے، آئی ایس پی آر کا دوٹوک اعلان