By اسٹیٹ بینک آف پاکستان نے اپنی رپورٹ میں کہا ہے کہ زرمبادلہ کے سرکاری ذخائر میں ڈیڑھ کروڑ ڈالرز کا اضافہ ہوا ہے۔
تفصیلات کے مطابق مرکزی بینک نے زرمبادلہ کے سرکاری ذخائر کے حوالے سے رپورٹ جاری کردی ہے۔ اسٹیٹ بینک کی جانب سے جاری ہونے والی رپورٹ میں 10 مئی 2024 تک کے اعداد وشمار شامل کیے گئے ہیں جس کے مطابق مذکورہ تاریخ تک زرمبادلہ کے سرکاری ذخائر میں ایک کروڑ پچاس لاکھ ڈالر کا اضافہ ہوا۔
مزید پڑھیں:نان فائلرز کے بینکوں سے کیش نکلوانے پر ٹیکس بڑھانےکی تجویز
حالیہ اضافے کے بعد سرکاری ذخائر کی مالیت 9 ارب 13 کروڑ 55 لاکھ ڈالر کی سطح پر آگئے اور مجموعی ذخائر کی مالیت 14 ارب 62 کروڑ 64 لاکھ ڈالر کی سطح پر پہنچ گئی۔ ترجمان اسٹیٹ بینک آف پاکستان کے مطابق 10 مئی کو ختم ہونے والے ہفتے تک 5 ارب 49 کروڑ 9 لاکھ ڈالر کے ذخائر کمرشل بینکوں کے پاس موجود تھے۔
