By سوشل میڈیا ریگولیٹری اتھارٹی کے قیام کے لئے مشاورت شروع کر دی گئی۔
تفصیلات کے مطابق ذرائع کا کہنا ہے کہ سوشل میڈیا ریگولیٹری اتھارٹی کے قیام کے لئے وفاقی حکومت نے مشاورت شروع کر دی ہے ۔ وفاقی کابینہ نے سوشل میڈیا ریگولیٹری اتھارٹی سے متعلق مجوزہ پیکا ترمیمی بل 2024 جلد اسمبلی میں پیش جائے گا ۔ ذرائع کے مطابق سوشل میڈیا ریگولیٹری اتھارٹی وفاقی کابینہ کی قانونی اصلاحات کمیٹی کی مجوزہ ترمیمی بل پر مشاورت کے لیے اسٹیک ہولڈرز کو دعوت د ے دی گئی ہے۔ ذرائع کا یہ بھی دعویٰ ہے کہ کمیٹی کی اتھارٹی کے قیام کے لیے میڈیا ہاؤسز،دیگر اسٹیک ہولڈرز کو بھی مشاورت کے لیے بلایا جائے گا ۔ ذرائع کا مزیدکہنا ہے کہ وزیراعظم شہباز شریف نے کابینہ اجلاس میں اس معاملے پر کابینہ کی کمیٹی بنائی تھی جس کا کام مشاورت کرنا ہے۔
مزید پڑھیں:سورج پر گزشتہ دو دہائیوں کا سب سے طاقت ور دھماکا ریکارڈ
سوشل میڈیا ریگولیٹری اتھارٹی ڈیجیٹل حقوق سے متعلق معاملات پروفاقی حکومت کو تجاویز دے گی۔ ذرائع کے مطابق اتھارٹی انٹرنیٹ کے ذمہ دارانہ استعمال اور ضوابط کی تعمیل بھی یقینی بنائے گی، مجوزہ اتھارٹی کی جانب سے آن لائن مواد کو ریگولیٹ کرنے کا معاملہ بھی زیر غور آئے گا، سوشل میڈیا پر قانون کی خلاف ورزیوں کی تحقیقات سے متعلق طریقہ کار پر بھی بات چیت ہوگی۔ ذرائع کا کہنا ہے کہ مشاورت میں سوشل میڈیا قوانین کی خلاف ورزی کرنے والوں اور گواہوں کو طلب کرنے کا معاملہ بھی زیر غور آئے گا، مذکورہ بل شہریوں کی نجی زندگی کو سوشل میڈیا سے لاحق خطرات سے تحفظ دینے کے لیے لایا جا رہا ہے۔
