By وزیر اعلیٰ پنجاب مریم نواز نے کسانوں کے لیے 400 ارب کے تاریخی پیکج کا اعلان کر دیا۔
تفصیلات کے مطابق پھول نگر میں عوامی اجتماع سے خطاب کرتے ہوئےمریم نواز کا کہنا تھا کہ گندم خریدنے میں کرپشن کے بازار گرم ہو جایا کرتے تھے، میں نے وہ راستہ بند کر دیا ہے۔انہوں نے کہا کہ پنجاب میں مہنگائی کو مزید کم کریں گے۔انہوں نے کسانوں کو یقین د ہانی کرتے ہوئے کہا کہ ہم جو پیکج آپ کے لیے لا رہے ہیں تاریخ میں کسان کو اتنا بڑا پیکج کبھی نہیں ملا ہوگا۔ مریم نواز کا کہنا تھا کہ پھول نگر والو! روٹی سستی ہوئی ہے؟ جانتے ہیں یہ کیوں ہوا؟ یہ اچانک نہیں ہوا، نواز شریف کا وعدہ تھا کہ اقتدار میں آکر آسانیاں پیدا کروں گا، مہنگائی جب بڑھ جاتی ہے تو کم کرنا آسان کام نہیں ہوتا۔ انہوں نے کہا کہ پھول نگر والو! میںیہاں پر نئے رورل ہیلتھ سینٹر کا افتتاح کرنے آئی تھی، پنجاب بھرمیں تین سو رورل ہیلتھ سینٹرز ہیں، دو ماہ میں تو لوگ صرف وعدے کر رہے ہوتے ہیں، چند ماہ میں پنجاب کے تمام ہسپتالوں کو تبدیل کر کے رکھ دوں گی ۔
ان کا کہنا تھا کہ جن ہسپتالوں میں ڈاکٹروں کی کمی ہے وہاں ڈاکٹروں کو بھیج رہے ہیں، ہم نے فیلڈ ہسپتال بنا کر پنجاب کے تمام دیہی علاقوں میں بھیج د ئیے ہیں، جہاں نرسز کی کمی ہے وہاں نرسز بھیج رہے ہیں، دو سو کلینکس آن وہیلز سےلوگوں کو دہلیز پر علاج و معالجے کی سہولت مل رہی ہے، پنجاب میں 590 سڑکیں ٹھیک کرنے اور بنانے کا پروگرام شروع کر دیا ہے، اب پنجاب کی کوئی سڑک بھی ٹوٹی ہوئی نہیں رہے گی۔انہوں نے کہا کہ جتنا وقت میرا تعلیم اور صحت پر گزرتا ہے اتنا کسی اور شعبے پر نہیں گزرتا، جب سیاسی بنیاد پر پولیس کی پوسٹنگ ہوگی تو پولیس پرفارم نہیں کرے گی۔
ان کا مزید کہنا تھا کہ سیاسی مفاد سے زیادہ پنجاب کے لوگوں کا مفاد زیادہ پیارا ہے، لوگوں کی زندگیوں میں بہتری لانے کیلئے جو ممکن ہوا کروں گی۔مریم نواز کا کہنا تھا کہ نوجوانوں کے لیے ٹیکنیکل تعلیم شروع کر چکے ہیں، یہاں پر ٹیکنیکل کالج ضرور بنائیں گے، شہباز شریف اور مریم نواز نواز شریف کے سپاہی ہیں، حکومت تو نواز شریف کی ہے، جب بھی پاکستان مسلم لیگ ن کی حکومت آتی ہے تو سازش کر کے ہٹا دیا جاتا ہے، نواز شریف کی حکومت ختم نہیں ہوتی بلکہ ملک سے ترقی ختم ہو جاتی ہے، ان کا کہنا تھا کہ آج نواز شریف کی چوتھی حکومت میں ترقی کا جو سفر شروع ہوا ہے اس کو رکنے نہ د ینا۔
