سونے کی قیمت پھر بڑھنا شروع،فی تولہ کتنے کا ہوگیا؟

بین الاقوامی مارکیٹ میں اضافے کے باعث پاکستان میں بھی سونے کی قیمتوں میں بدھ کے روز اضافہ ریکارڈ کیا گیا۔

آل پاکستان جیمز اینڈ جیولرز صرافہ ایسوسی ایشن (APGJSA) کے مطابق مقامی صرافہ مارکیٹ میں سونے کی فی تولہ قیمت میں 3 ہزار 700 روپے اضافہ ہوا، جس کے بعد فی تولہ سونا 5 لاکھ 43 ہزار 262 روپے میں فروخت ہوا۔

اسی طرح 10 گرام سونے کی قیمت میں 3 ہزار 172 روپے کا اضافہ ہوا، جس کے بعد اس کی نئی قیمت 4 لاکھ 65 ہزار 759 روپے ہو گئی۔

یہ بھی پڑھیں:امریکی سینیٹ میں ٹرمپ کو جھوٹا قرار دے دیا گیا،فیصلوں پر کڑی تنقید

یاد رہے کہ گزشتہ روز منگل کو بھی سونے کی قیمت میں نمایاں اضافہ دیکھا گیا تھا، جب فی تولہ سونا 6 ہزار 200 روپے مہنگا ہو کر 5 لاکھ 39 ہزار 562 روپے تک پہنچ گیا تھا۔

دوسری جانب عالمی مارکیٹ میں سونے کی قیمت 37 ڈالر اضافے کے بعد 5 ہزار 205 ڈالر فی اونس تک پہنچ گئی، جس میں 20 ڈالر پریمیم بھی شامل ہے۔

ادھر چاندی کی قیمت میں کوئی تبدیلی نہیں ہوئی اور مقامی مارکیٹ میں چاندی 9 ہزار 354 روپے فی تولہ پر مستحکم رہی۔