By نیشنل ڈیٹا بیس اینڈ رجسٹریشن اتھارٹی (نادرا) کے ترجمان نے کہا ہے کہ ڈیجیٹل شناختی کارڈ کو فزیکل شناختی کارڈ کے مساوی قانونی حیثیت حاصل ہے اور اسے بطور درست شناختی دستاویز قبول کیا جانا چاہیے۔
نادرا کی جانب سے جاری بیان میں کہا گیا ہے کہ بعض سرکاری دفاتر اور ادارے شہریوں سے ڈیجیٹل شناختی کارڈ کے بجائے فزیکل کارڈ یا اس کی فوٹو کاپی طلب کر رہے ہیں، جو مروجہ قانونی اور ضابطہ جاتی فریم ورک کے منافی ہے۔ ترجمان کے مطابق نادرا آرڈیننس کے تحت ڈیجیٹل شناختی ضوابط تشکیل دیے گئے ہیں جن کے مطابق ڈیجیٹل شناختی اسناد کو شناخت کا درست اور قابل قبول ثبوت قرار دیا گیا ہے۔
بیان میں کہا گیا ہے کہ ڈیجیٹل شناختی کارڈ کے اجرا کا مقصد شہریوں کیلئے آسانی پیدا کرنا اور شناختی کارڈ کی غیر ضروری فوٹو کاپیوں کی ضرورت کو کم کرنا ہے۔ اس اقدام سے شہریوں کو سہولت ملے گی اور سرکاری و نجی اداروں میں کاغذی کارروائی میں بھی کمی آئے گی۔
یہ بھی پڑھیں:پٹرول وڈیزل آج مہنگا ہوگا یا سستا ، وزیر اعظم منظوری دیں گے
