عمران خان کی اہلیہ بشری بی بی کو عدالت سے بڑا ریلیف مل گیا

بشریٰ بی بی کے خلاف نومبر میں ہونے والے احتجاج سے متعلق درج 29 مقدمات کی سماعت انسداد دہشت گردی عدالت میں ہوئی، جہاں اہم پیش رفت سامنے آئی۔

سماعت کے دوران عدالت نے بشریٰ بی بی کی عبوری ضمانت میں 9 اپریل تک توسیع کر دی۔ عدالت نے اپنے سابقہ حکم کو برقرار رکھتے ہوئے ہدایت کی کہ بشریٰ بی بی اپنے خاوند اور وکلا کی موجودگی میں شاملِ تفتیش ہوں گی۔ یہ ہدایت اس بات کو یقینی بنانے کے لیے دی گئی ہے کہ تفتیشی عمل شفاف انداز میں مکمل ہو سکے۔

بشریٰ بی بی کے وکیل نے عدالت کے باہر میڈیا سے گفتگو کرتے ہوئے بتایا کہ عدالت نے عبوری ضمانت میں توسیع کے ساتھ ساتھ شاملِ تفتیش ہونے کا حکم بھی برقرار رکھا ہے۔ ان کا کہنا تھا کہ ان کی موکلہ قانون کا احترام کرتی ہیں اور عدالت کے ہر حکم پر عمل کریں گی۔
یہ بھی پڑھیں:امریکا ایران مزاکرات ،ایران کی 6 شرائط سامنے آگئیں

یاد رہے کہ نومبر میں ہونے والے احتجاج کے بعد مختلف تھانوں میں بشریٰ بی بی کے خلاف 29 مقدمات درج کیے گئے تھے، جن میں امن و امان کی صورتحال خراب کرنے سمیت دیگر الزامات شامل ہیں۔ آئندہ سماعت 9 اپریل کو ہوگی، جہاں مقدمات کی مزید کارروائی آگے بڑھائی جائے گی۔