لبنان نے اسرائیلی حملے رکوانے کے لیے پاکستان سے تعاون مانگ لیا

وزیراعظم پاکستان شہباز شریف نے لبنان کے وزیراعظم نواف سلام سے ٹیلیفونک رابطہ کیا، جس میں امریکا اور ایران کے درمیان جنگ بندی پر تبادلہ خیال کیا گیا۔

گفتگو کے دوران وزیراعظم شہباز شریف نے لبنان کے خلاف اسرائیل کی جاری جارحیت کی شدید مذمت کی اور ہزاروں قیمتی جانوں کے ضیاع پر گہرے دکھ کا اظہار کیا۔

انہوں نے کہا کہ پاکستان علاقائی امن کے لیے مخلصانہ کوششوں میں مصروف ہے اور اسی جذبے کے تحت ایران اور امریکا کے درمیان امن مذاکرات کا انعقاد کیا جا رہا ہے۔

I spoke with Prime Minister Nawaf Salam of Lebanon, this evening.

I strongly condemned Israel’s ongoing aggression against Lebanon and offered condolences over the loss of thousands of precious lives in Lebanon as a result of these hostilities.

I reaffirmed…

— Shehbaz Sharif (@CMShehbaz) April 9, 2026

اس موقع پر لبنان کے وزیراعظم نواف سلام نے وزیراعظم شہباز شریف کی امن کوششوں پر شکریہ ادا کیا اور لبنان اور اس کے عوام کو نشانہ بنانے والے حملوں کو فوری طور پر ختم کرنے کے لیے پاکستان سے تعاون طلب کیا۔

یہ بھی پڑھیں: لبنان پر جارحیت کی شدید مذمت، اسرائیل امن کوششوں کو سبوتاژ کر رہا ہے، پاکستان

دونوں رہنماؤں نے مستقبل میں رابطے میں رہنے پر بھی اتفاق کیا۔